[محمد الأسمري]

//
,,
//
،،
//

الثقل صنعه لكن الولف غلاب=والناس شافوا قدرك اللي بعيني
ليشفت زولك أتنكر للاصحاب=وحدك أبيك من البشر.. تشغليني
احيان اسولف عنك يا صاح بأسهاب=وأفقد شعوري وأخذك في يديني
وأمشي معك والفكر يا صاح قد غاب=وأسئلك .. وانطر منّك اتجاوبيني
يا شوق انا والليل والهم بحراب=نوبٍ يون ونوب .. يعلا ونيني
يوم الزمن جار وجرحني بمخلاب=ماهو عدل ،، أنك بعد تجرحيني
تذكري لحظة لفا القلب طلاب=والناس حولك وانتي تناظريني
العالم الله .. كِن نظرتك إعجاب ؟=فيها وفيها .. يوم فيني وفيني
من وقتها حسيت في صدري احراب=ولاادري وش اللي صار لك ياظنيني
ابعترف لك صاحبك في يدك ذاب=انتي نثرتيني .. وأنتي أجمعيني
الراس شيّب من ورى عكف الأهداب=يا بنت الأجواد ارفقي وارحميني
لاخاب ظني فيك لاخاب ،، لاخاب=ما باقي الا ياغلا تحتويني
ماني على صرف المشاعر بكذاب=ابيك كلك .. كان قلبك يبيني
اما خذيني وأقفلي دوني الباب=ولابرمش العين لا تحربيني
ترفقي في صاحبٍ منك ما تاب=عينه عليك وله معك حاجتيني
( الود ) و ( التقدير ) يا سيد الأحباب=وأخذي خفوقي بالغلا وأسكنيني