مصافحة اولى بينكم
اتمنى ان ترتقي لمستوى ذائقتك
ابشر بمطلوبك تجيك القصايد=يا اللي طلبت الشعر جاتك بيوته
تامر وتنهى والمشاعر جدايد=انت هوى قلبي ودمه وقوته
وش عاد لو طاعك وجاب الفرايد=وغنى بها والطير جاوب لصوته
ظلوعي الاقلام فوق الجرايد=والحبر دمي والشرايين نوته
حتى بيوت الشعر جاتك تعايد=من هاجسٍ صدقه حشا مايفوته
انا لجل عينك معي شعر زايد=يزيد والاحساس عمره وموته
غلاك في قلبي مولع وقايد=والشعر ترجم حبنا في كروته
يا أعذب حبيبه بين كل البدايد=وأعذب لحن باحساس صادق شدوته
باسم الوفا جيتك لعينيك نايد=والقلب نبضه يجذبه مايشوته
اخووكم
العتـ حسن ـيبي