[التميميه]

المشاركة الأصلية كتبت بواسطة هواجيس سارة

ياناشدٍ عني ترى ماني بخير=من صرخةٍ بالعمر يسمع صداها
اونس بقلبي مثل دق المسامير =من واهجٍ بالقلب حالي براها
همٍ يكسر خافي الروح تكسير= همٍ جرح قلبي وكبدي كواها
همٍ خذا عقلي بكثر التفاكير = والروح من همي صعيبٍ دواها
بالبال اصور فرحة العمر تصوير= واثر الخيال اللي بعقلي بناها
أثر السعادة والحزن طعمهم غير = عندي تساوى مرها مع حلاها
وش جابني صوبك ماغير المقادير = ارجوك نفسي لا تخيب رجاها
مودتك صارت لقلبي محاسير = ارفق بحالٍ منك قرب عزاها
ماخفت من يوم ٍ تدور التداوير=تشهد جروح ٍ منك تاخذ جزاها
قبلك ترى مادامت لسالم الزير= دنيا دنيه صعب تلحق مداها
يالله يامعبود والي المقادير= ياعالم ٍ سر العباد وخفاها
انك تحقق مطلبي دون تأخير= وتلطف بروح ٍ ماتحقق مناها
روح ٍ شكت ظيم الليالي المعاسير= سود الليالي عالم الله خفاها

اختكم
هواجيس سارة

ابداع

عجزت اقتبس بيت

كل بيت احلى من الثاني

صح لسانك