ياالله متى الصبح يوقظنـي وياتينـي =مليت ليل الشقـاء المظلـم الدامـس
ليلٍ بكل العنـاء والخـوف حاوينـي =مامرني مثله إلاَ بصفـي الخامـس!!
يوم احرموني النجاح وهو مخاوينـي =غلطة معلم يزيـل الرقـم بالطامـس
هذا الخطاء والخطاء غروٍ مهاوينـي =يبخل علي مايلـد بطرفـه الناعـس
تكفين لولا المرض ماقلـت داوينـي =شيء برى الحال من غرة شهر مارس
كن خافقي يامهـا يطعـن سكاكينـي =والجوف كن فيه خط امبير متلامـس
واللي من اول عرفتـه مـا يدانينـي =اعطيه وجهٍ على شانه لكم حـارس!
يالله عسى بالخطـاء يمكـن ينادينـي =على الأقل استمع لصوتـك الهامـس
إن ماحصل نظـرة تشبـع وتروينـي =ياتيني الصوت من جوالـك الفـارس
واسمعك ياغايـب عنـي ومقصينـي =وقول حظي بعـد ماطـاح مترايـس!
يالله متى الصبح يوقظنـي وياتينـي =مليت ليل الشقـاء المظلـم الدامـس
.
.
الشاعر الرائع
حسين اليامي
.
.
اهلا وسهلا بك في منابع الشعر والأدب وكلنا سعاده
بتواجد هذا الاسم بيننا وعسى ان تجد لدينا مايكون
دافعا" لك لتقديم الجديد والمميز وكل ماهو معهود
منك ويكون سببا" في طيب وطول اقامتك بيننا .
والشكر كل الشكر لـلعزيز والغالي محمد ال مهيد
على تقديمه الدعوه للمميزين امثالك
وياهلا بك ومرحبا بين اهلك واخوانك ومكانك العيون
والقلوب قبل المنتدى . .
.
.
حضور للترحيب وسيكون لي عوده الى هذه الرائعه
ان شاء الله . . . .
.
.
تقبل فائق تقديري واحترامي