[محمد الفرحان]

حلال يا حب ٍ على طلعة الشمس=بين الهوى والماي وإشراقة النور
مدخاله البيبان من عزة النفس=ماهوب شباك على واطي السور ..!!
لا شك لا ريب لا خش لا دس=لا ليلة ظلما و لا خوف لا زور
لا همس ما بين السراديب لا طمس=تحت الثرى لا عيب يشني ولا اقصور
طاهر يحب النور والجهر للهمس=طهر النهر طبع الشجر عفة الحور
بين الثريا والثرى يفرق اللمس=هذا يداس .. وذيج تشتاقها ابدور
والارض لي طابت بها طيّب الغرس=والارض لي بارت غدى زرعها بور
حلال انا ابصم بالاصابع و بالخمس=ان الهوى بالشرع ما هوب محظور