[وعد الشقا]

حايرة

كل التقدير لك ولإدارة المنتدى

واشكركم بداية على هالخطوة اللي تثبت حرصكم على المنتدى وبالتالي على اعضاءه

خط المنتدى واضح ،، الأساس اللي قام عليه المنتدى هو الأدب الشعبي ، والفصيح

لكن كم واحد منا اهتماماته فقط بالشعر (بغض النظر عن النوع ) ؟؟ في ناس متمكنة من كتابة القصيدة بس كم عددهم ؟؟
الأغلبية ( من كتاب القصيد ) يميلون للقراءة والاستمتاع بتذوق ما يقدمه شعراء المنتدى او القصائد المنقولة ،، ويكتفي بالرد ، ونفس الكلام ينطبق على منتدى البوح والخواطر والقصص ...
الردود تشجع الكاتب ،، وكل ما كانت الردود اكثر تحمس الغير انه يدخل ويشوف هالموضوع اللي عليه اقبال

بس تفاعل فعلي ماله مجال ..

وجود مساحات اخرى مثل قسم المرأة وقسم التكنولوجيا ،والمنتدى العام خاصة هو اللي يحرك المنتدى ،، ويظهر التفاعل ويجذب الزوار للتسجيل ، ويشجع الاعضاء على الاستمرارية


اقتراح الأخت "دمعة غيم" صحيح ، لو يتم انشاء اقسام يكون فيها مجال للنقاش والحوار راح يكون الاقبال على المنتدى اكبر ، ،والحركه فيه مستمرة

لو مثلا كل مشرف قسم يخصص يوم لقراءة فقط المواضيع اللي بقسمه ،، ويختار اكثر موضوعين او ثلاث مواضيع ممكن انها تجذب الاعضاء ويصير فيها تفاعل ويرسل رسايل خاصة لكل عضو يدعيه للمشاركة بالموضوع .
او مثلا يخصص يوم كل اسبوعين لاقتراحات الاعضاء فيما يخص القسم اللي هو مشرف عليه ، وش هي ارائهم ملاحظاتهم اذا كان في شكاوي ..

ممكن مثلا كل مشرف يعمل تصويت بين الاعضاء مين اكثر عضو كان مميز هالاسبوع او هالشهر ..بالمواضيع اللي قدمها بالتفاعل مع المواضيع والردود ..

يعني هذا اللي جا على بالي ،، اتمنى ما اكون ثقل عليكم بالاطاله

ومن كل قلبي اتمنى التوفيق والاستمرارية للمنتدى بجميع اعضائه والمحافظة على المستوى اللي نفتخر فيه كلنا ،، وانشالله بجهود الجميع ادارة واعضاء يزيد عدد الاعضاء ونكون من اوائل المنتديات كماً وكيفاً


تحياتي وتقديري للجميع