[خالد ماطر]

المشاركة الأصلية كتبت بواسطة عبدالله العويمر

كثيرا ً مانمر بهذا الشعور

ألا يالله كان اللي حصلّي مغفره لذنوب = طلبتك لايروح إلا غسل نفسي من ذنوبي
أنا عبدك واعرف انّه سترني في زماني ثوب = ولكن ماسترني عن جلالك بالعمر ثوبي
واعرف انك على موتي تبي تقدر وهو مكتوب = بأمرك واعرف اني للمقابر باخر دروبي
حسبت الطيش بغروري ، تناسيت الخطا محسوب = سكبت الذنب بيديني ، وصار الذنب مشروبي
ضحكت ومن غروري قلت : ماني بالعمر مغلوب = ولقيت الهم غالبني ..خسرت النفس بحروبي
عرفت الذنب وينه ماخفاني للذنوب دروب = وطوّعت العصيّ من الذنوب بقدرة اسلوبي
نسبت الذنب للجرأه كأنه للفخر منسوب = تباهيت بعيوبي والله اللي ساتر عيوبي
حديث النفس لاجيت لمنامي : بارتدع واتوب = يانفسي خافي الله العظيم العالم وتوبي
تخيّلت القبر : وحشه ، وظلمه ، والأمل مسلوب = وخطوات الأهل تبعد وتعلن عنهم غروبي
ياربي وانت غفّار الذنوب وعفوك المطلوب = كبير الذنب ، لكنك رحيم وكل مطلوبي :
بعفو ٍ منك تشملني لأني موحل ٍ بذنووووب = ولو كانت على اعمالي دخلت النار بذنوبي

العويمر








يكفيك فخراً أيها الصديق المبدع ان تخضع وتدعو المغفره والرحمه


من الله الواحد الاحد الغفور الرحيم فبقدر اعترافك لذنبك وتقصيرك


يكون صدقك في مناجاتك لخالق السماوات والارض


لاحرمنا الله وأياك من مغفرته ورحمته وهو ولي ذلك والقادر عليه

صدقني ياعبدالله انت غير باخلاقك وبسمو نفسك وطيب اخلاقك

وليت من يكتبون (باصحاب السلطه وذوي النفوذ ) من ضعفاء البشر


ان يتعلموا منك ومن حرفك الصادق 0


( اللهم أنك عفو تحب العفو اعفو عنا وعن عبدك عبدالله العويمر

وجميع المسلمين انك انت خير الغافــرين )


عبدالله

دمت بهكذا صدق

وهكذا اخلاق