مسائكم / عطر ..
ماطيرك يا " قش " مع هادي الريح = الا سبب ضعفك ..وقوّ الضوالم
العام. .اذرالك .. هبوب اللوافيح = وياليتني من حجة العام سالم..!!
يكفيك شرح .. ولا تزيد التواضيح = ماغير ربي عن خفا الجرح .عالم ..!
ولا جيت ابنظر من جنابك تساميح =ان كنت باطراف الأهانات حالم
امّا تسندلي على الكوع لا اطيح = او ما ابي عذرٍ عن الصبر ..والم
ومادام همي مدركته المسابيح = مانيب في حاجة مسلّم وسالم
خلني كذا.. انزف ..ولا اذرف ولا ابيح = بنساك / عالَم .. واتذكّر عوالم..!!
دونك .. بدا للوقت .. زين التلاميح = وجيته على مدّت سلامه .. مسالم ..!!
واليوم.. يلعن دايرات المراجيح = ان جيت اببني "لصرح "حلمي "سلالم" :
ماحس به .. قاعٍ .. " رضومه" صلافيح ..!! = كل ماركزت بليناته .. تهالم
يالليل ذنبك .. وضحّته المصابيح = عالم .. تشكّابك .. وعالَم .. وعالَم
خلني على حزني وفرك المسابيح = و " ياليتني من حجة العام سالم ...!! "