بسم الله الرحمن الرحيم
انها كلمات ماقبل الرحيل..
عندما لايفكر العقل بشيء
الا بكيفية الوداع ومابعده..
عندما يصرخ القلب.. بكلمة تقتلها الشفاه
حينها تأتي كلماتي لتقول:
لا .... لاترحل
ـــــــــــــــــــــــــــــــــــــــــــــــ
.......
.....
...
..
.
لا ... لاترحل
ترى هذي الضلوع بغيبتك
تذبل!!!
واحساسي...
كيف احساسي يتحمل؟؟؟
صدقني ماراح اعصيك
ولا اجامل ولا ابخل
ولا حتى في يوم اني
ازعّل خافقك وازعل
ولك مني
وعد اني
ابد ماتشوفني عابس
وتلقاني بمواعيدي
دقيق
مواظب
ودارس
بس هالملابس
امانة عيوني رجعها
انا اللي بوظّبها
بس تبقى معي جالس
.........
ترى ما للسفر داعي
سوى همي واوجاعي
وترى مابه علي ظلم
سوى تيسيرك وداعي
حزين الليل ويحاتي
ويتساءل
الى من رحت متى تاتي
تعال اقرب
ترى هالليلة تربكني
ابي قربك يطمني
توسّد قلبي الدافي
لحافك عيني ياغافي
وضم ايديني لصدرك
واخلد وافي يا وافي
..............
هنيا لك لذيذ النوم
لاتصحى لا لاتقوم
ترى باقي على صبحك
بعد ساعة
ابي تغفى مع قلبي
وهو متجاهل اوجاعه
صباحك خير
صباحي غير
صباحٍ خان به تعبير
صباحٍ عانق ضلوعي
بألم وجروح وهم كبير
ولا تلقى من دموعي
ادفى مي لعيونك
عساها بس
تصونك
ترى برد الزمن
قاسي حيل
خذ رمشي لكتفك شال
وخذ من شوقي لك قنديل
عسى يدفى به ضلوعك
واتهنى برجوعك
بحفل الشوق والفرحة
انسى رحلة التنكيل
وبترك لك بقايا صمتي العاني
ياساكن قلبي وولفه
وارتب لك واطيب لك باحساسي الغرفة
لجل لامن رجعت بيوم
عطري بدارك تعرفه
تحياتي