[شيهانة]

يا جـرح وين القى طبيبٍ يـداويـك

اللي جـروح الحب يعرف دواهـا

قـل لي و انا نـذرٍ عليه لا اوديـك

يـمـه ولو الحقت نفسي عـناها

من يوم روح عنك خلك و غـالـيك

وانته تزايـد علـتـك من جفاها

والفـكر متشتت ويرقب حـراويـك

وعليك عيني خايفٍ من عـمـاها

من كثر دمـعٍ هلـته يوم تبـكـيك

من زود حبك خايف يجف مـاهـا

والقلب يفرح لاسمع لو بـطاريـك

ويـفـز فـز امٍ بيوخذ ضـنـاها

هذا جزاة اللي يـودك و يـغلـيك

وعيـنٍ بـكت فرقاك هذا جـزاها

وقلبٍ يحبك حـب و بصدق شاريك

وكم ليلـةٍ لجلك حبيبك سـراهـا

ياجـرح تكـفى فكني من تماديـك

جـروح قلبي وش تحصل وراهـا

كانك تحصل شي قل لي و بعطـيك

ولا تـحـد نفسي للقشر وتحداها

وان كان هذا الشي ياجرح يرضيك

الناس قالوا كل نفس و هـواهـا

انا لـزوم اليوم ابـعـد و اخليك

نفسي تراهـا جايـها ما كـفاهـا

أعجبتني وأحبيت انقلها لكم

,,,