.
.
ومرثية ثالثة لشاعرة المنابع الأدبية / دموع الورد بالشيخ
زايد رحمة الله عليه :
منك العذر ياعيد في بُـعد الافراح= هالقلب مابه غير حزن ٍ مكايد
مابه سوى دمعات وآهات وجراح = مابه سوى غصات والصمت سايد
كل الفرح في غيبته ودّع وراح = بالله كيف العيد من غير زايد ؟؟؟؟؟
العيد كان بشوفة الكف لوّاح = وبسمة محيا حولها الكل عايد
ياعين شعبك يا مشاعر وارواح = يانبض قلبٍ بعد شوفك وقايد
ياصوت طفلٍ ارتفع وقت الاصباح = عيشي بلادي عاش هالحر رايد
العيد عاد ودمع بالعين نضّاح = في كل يوم الشوق فينا يتزايد
بالله كيف العيد من غيره افراح؟= وبالله كيف العيد من غير زايد ؟؟؟؟