بسم الله
قصيدة مؤثرة .. تهتـز لها المشاعر
سمعتهـا
فـ أخذت منّي ما أخذت
وأردت أن تشاركوني دمعتـي !
.
هيَ قصيدة كتبتها إمرأة طاعنة بالسن قبل وفاتها
بعد ما أودعها إبنها للأسف .. في دار المسنّين !
يا مسندي .. قلبي على الدوم يطريك=ما غبت عن عيني .. وطيفك سمايا
هذي ثلاث سنين .. والعين تبكيك=ما شفت زولك زايرٍ يا ضنايا
تِذكر حياتي .. يوم أشيلك وداريك=ألاعِبك دايم .. وتمشي ورايا
ترقد على صوتي .. وحظني يدفّيك=ما غيرك أحدٍ ساكنٍ في حشايا
ولا مرضت .. أسهر بقربك وأداريك=ما أذوق طعم النوم صبح ومسايا
ياما عطيتك من حناني وبعطيك=تكبر .. وتكبر بالأمل يا منايا
لكن خساره .. بعتني اليوم وشفيك ؟=وأخلصت للزوجة وأنا لي شقايا !
أنا أدري إنها قاسيه ما تخلّيك=قالت .. عجوزك ما أبيها معايا !
وخليتني وسط المصحّه وأنا أرجيك=هذا جزا المعروف وهذا جزايا
يا ليتني خدّامةٍ بين أياديك=من شان أشوفك كل يوم برضايا
مشكور يا وليدي .. وتشكر مساعيك=وأدعيلك الله دايمٍ بالهِدايا
حمدان .. يا حمدان .. أمك توصّيك=أخاف ما تلحق .. تشوف الوصايا
أوصيت دكتور المصحّه بيعطيك=رسالتي وحروفها من بُكايا
وإن مِت .. لا تبخل علي بدعاويك=إطلب لي الغفران .. وهذا رجايا
وإمطر تراب القبر بدموع عينيك=ما عاد ينفعك الندم والنعايا
حسبنا الله ونعم الوكيل
إدعوا لهـا بالرحمة والمغفرة
ومن كان والديه أو أحدهما على قيد الحياه
فـ لااااا يبخـل عليهـم بالبـِـر !