[ونين]

اشتقت لك يا فرحة العمر يمّه = أهز اغصان البعد في زماني
عانيت يمّه طول ليلي وهمّه = في ديرة ٍ فيها زماني عصاني
اسري بديرة كل همه بغمّه=شفتي يا يمّه وين حظي رماني؟!
الخوف كدّس فـ . الشرايين سمّه = يمّه بدونك ضعت همي لفاني
سيف الثواني هد صدري بظمّه=سكن عيوني لين نومي نساني
المس كفوفك ينزف الجرح دمّه = اشوف دمعك.. لايايمّه عشاني
ثوبك أضمه والمس اطراف كمّه = تحيا بقلبي من شفاهك اماني
يحتار حرفي بين شده وضمّه = أسابق اوقاتي..اشوفك ثواني
بكتب قصيدي فيك..ودي اعمّه =ودي اوصّل بك جميع المواني
واشتقت لك يا فرحة العمر يمّه =وابيات شعري تنحني في لساني