حتى بمنامي باقية في حناياي..=..وش عاد باقي ماسكنتيه فيني..؟
من وين مارحت ألمح الطيف وياي..=..عشق وسكن مابين قلبي وعيني
ليل الهوى في غيبتك يعزف الناي..=..وترقص عليه من الوله دمعتيني
تدرين وش معنى البعد عن مداياي..!..=..أضحيت أحس الموت عقبك يجيني
يعني يموت بغيبتك (عمري الجاي)..=..يعني سواه الحزن مايحتريني
فرحة سنيني تـنسلب من حشاياي..=..مع من خذاك بدمعتك عن حنيني
ليلة زفافك حطمت حلم دنياي..=..وأنهت من الأوطان فرحة سنيني
وأنا الذي غار الهوى من سواياي..=..وأشعل فتيل العشق بينك وبيني
(نزف المشاعر) بالغلا تفرض الراي..=..لمي شتات الأزمنة واسمعيني
اللي خذاك بدمعتك عن حناياي..=..ماياخذك من (خافق الروح) فيني