[فيصل الباهلي]

اتمنى أن ترتقي إلى مستواكم

.
.



/

\

/

\

/

\

تعال ابرضي مرادك وارضي مرادي
. . . . . . . . سؤال صدك وصدي واضح ٍ حله

.
.

وشو له اسرح بوادي وانت في وادي
. . . . . . . . والكــل منّا عــزيز ويكره الـــذلة

.
.

هذا طريق السعادة والله الهادي
. . . . . . . . مافيه داعي نضيع ودربنا ندله

.
.

الضيم فايح بصدرك وانت منقادي
. . . . . . . . وبانكارك اللي قهرني فيني تزله

.
.

لا لا تخلي رماحك تطعن فوادي
. . . . . . . . مافيه داعي عليك السيف انا اسله

.
.

ادري تبيني اجيك وماتبي تنادي
. . . . . . . . مثلي وانا اضحك ودمعي دايم اهله

.
.

المشكلة اني شرابك وانت لي زادي
. . . . . . . . بس البلا إنّا نعقد الحبل وما نحله

.
.

يكفي عنادك ويكفي مني عنادي
. . . . . . . . أوضاعنا بسبة الإنكــــار مختلة

.
.

اترك كلام التحدي منهو البادي
. . . . . . . . الكل منّا على الثاني يبي الزلـة

.
.

نكذب نكابر نقول إن الوضَع عادي
. . . . . . . . ادري وتدري وكــل ٍ ميت بخله

.
.

أنا ادري انك بدوني تايه وغادي
. . . . . . . . وانا بدونك اذوق الــهم والعلة

.
.

ابخص بلادك ومثلي تبخص بلادي
. . . . . . . . مافيه داعي نضيع ودربنا ندله



,
,
,



فيصل بن سبيّّل الباهلي