[شيمة]

	. . مليكي عاهدتك ومن قبل عهدك عاهدته قلبي ما يسكنه غيرك طالت أو قصرت مشاويرك عندي ومني يبتدي وينتهي خيرك والله ثم والله ولا تحلفني زيادة اني أعلنت على كل حبيباتك الماضيات والقادمات حرب الغلا بين ضلوعك تشتعل وتشب حرب الإبادة من قال انته تحبني ؟ من قال تعشقني ..!! ياااااااااااويلي عليك !! ان كنت تتحرى وتظن هالكلمة منك تكفيني وتغنيني وتسدني ؟؟ وراسك انك ميت فيني بعدك بعدك في أول أنفاس غلاي توك ترتقي سلم عرشي وقصري وسماي بعدك ما ذاب منك غير خنصرك الصغير بعدك تحلم وترسم دفاي وما تدري قبله كم هو شديد الزمهرير بعدك في أول حرف من اسمي وربك وربي لا تبطي تتهجاه وتكتبه حرف تضيفه وحرف يشل أطرافك وتضماه توووووووك تلمس بس ذوايب شعري توك للسهر في ليلي تجهز رحلك للألف ميل لشوفي تشعل مليون قمر وصوبي تسري توك تشم بس عطر كفي توك على جناح الشوق تفز وتغمى وودك من الشوق ترتاح ولهيبه اتطفي وحياة عينك ما بترتاح ولا بتغفى ولا جروح غلاي بين ضلوعك بتشفى أشتهي عذابك وحيرتك وارتباكك أتلذذ بالغلا لي همل من عينك وأمطر على شط شفاهي وشربته واتوه منه واسكر وانت وتظن اني عذابك رحمته ؟ بس حينها عيني طالعتك وتوهتك وأدنتك وحييييييييييل أبعدتك وبطرف حاجبي انكتب وانصلب فارس عينك ومن ضلوعي احتطب انته الملك صحيح لكن أنا تاجك وسلطانك ورعيتك وأوطانك أنا غناة الملك اللي كله عند رمش عيني هلك وهذا اللي خلاني أحب مواطيك وقاصي هلك