أحبتي الكرام ..
صبحكم الله بالخير
ويسعدني التواصل معكم مرة أخرى بهذه القصيدة
والتي أتمنى أن تشفع لي انقطاعي في الفترة الماضية
بسبب بعض الظروف الطارئة .
ولكم جميعا ً خالص تحياتي واحترامي ..
الخطا لاجاك من شخص ٍ عزيـز
.................. كن كل الخلق مخطيـن ٍ عليـك
خل بيـن دلالـك ويديـك بيـز
.................. لا تخلي نارهـا تحـرق يديـك
اربط لسان الخطا بحبل وقفيـز
.................. لاتجفّـل بالخطـا نـاس ٍ تبيـك
الغلا في البـرد للتمـر الكنيـز
.................. لا يغرك يالرطب مـن يشتريـك
والقدر لو رحت في حصن ٍ حريز
.................. والله انه ياخويـّي فيـك فيـك
العذر عقب الخطا لو هو وجيـز
.................. يجبر قلـوب ٍ تبيـك وتهتويـك
كنت اعرفك تفحص الراي وتميْز
.................. بس وش له هالخطا الله يهديـك
وانت يالمخطي ولو بتلت شيـز
.................. لك عليّ أجحد عذاريبك واجيـك
انت لك جيز ٍ وانا لي اليوم جيز
.................. والعذر يا صاحبي منّـك واليـك
واعتبر هالزوبعة هرج انجليـز
.................. كلمة ٍ قيلت ولا ادري ويش ذيك
والخطا لاجاك من شخص ٍ عزيز
.................. كن كل الخلق مخطيـنٍ عليـك
قديم الشوق