وحيد و الوحده تفتّك بالإنسان=والهم يُمّزَجْ مع سموم الأفاعي
الورد بـ غياب الغلا صار ذبلان=ومليت انا يا شوق كثر الوجاعي
قلبي يثور ؟ وحالتي مثل بركان=كن الفرح اصبح يساوي خداعي
البير عندي كيف انا منه عطشان=والناس تستغرب امور انخضاعي
هذا وأنا في دنيتي دوم خسران=وجه الذنوب ايجوب ضفة ضياعي
لكن : حبيبي صرت انا حيل فرحان=لأني غريق البحر وإنته شراعي
والله صوبك ، أشهد الكون يزدان=وارسل مراسيل الغلا بيد ساعي
أطلب رجوعك ياللى بالحب فنان=من أجل قلبي يصبح اليوم واعي
دنياي تلعب بي وأنا كلي أحزان=و ماعاد أتحمّل سموم الأفاعي