وعودة للقلق
كفن صاحب
رفيقي مانشف دم المسافـه والقلـوب بعـاد = تعريت المشاعر من لبسـت ثيـاب مقلوبـه
على بالك بها رجعه دخيلك هوبقـى ميـلاد = إذا هالموت من ربك ولاأنته معلـن التوبـه
تحرك نقلة الشطرنج ومثلي مايجـي بعنـاد = ولاتصدق وزيرك من عطاك تفوز هالنوبـه
رفيقي لوظمى قلبي على جـال الوفـا ورّاد = أصدّرلك عطش روحٍ ثلاث سنيـن مغلوبـه
تهاونت الطعون اللي نزيفـه يبكـي الجـلاد = ترش الملح فوق جروح روحٍ منك معطوبـه
تعديت الحدود اللي أطوفلك خطاك جهاد = أطفي بالصبر جمر الجروح برجوة الحوبه
تجاوزت الخطا لين الخطا حدد معي ميعاد = ولالي بالغضب حيله أغير فيه وأسلوبه
وقبل عرفك وأنا مجرّب يتيمٍ ماحوتـه بـلاد = ولقى حضن الرصيف اللي يضمه نار مشبوبه
ومثل ماشفتني شاعر لبس ثوب القصيد حداد = أنا شفتك كفن صاحب تشيل أطلالـه ذنوبـه
عادل الظفيري وريث الجرح