لغز والحل لدى العباقره امثال //من يحله//

[عويد المغيليث]

انشدك عن رجل مجيه عقوبه=واليا لفا عن وجهه الجمع ينزال
خلو له الميدان غصب ورضو به = واللي برز له باللقا بس رجال

[سعود النفيعي]

مرحبا ياعويد

ماهوب الموت الله يكفينا الشر

[عويد المغيليث]

حياك اخوي سعود
مالك لوى مهو الموت يابعدي
لاهنت وحاول مرة اخرى

[محمد ال مهيد]

هلااا بك ياعويد

والله لغزك عملااق

هذاا مرور وعطني فرصه

ولي عودده

اخوك محمد

[خليل الشبرمي]

الأخ الفاضل / عويد








ماهو المسيح الدجال !!!

[محمد الفرحان]

.

.

ان كان ماهو المسيح الدجال


فهو :

شاعر المحاوره


وش قلت ياعويد طال عمرك

[همسة غلا]

مادام المجال مفتوح للرمعات


يمكن يكون المهاجم

والي برز له حارس المرمى


في كرة القدم


والله اعلم

[عويد المغيليث]

هههههههههههههه والله بعض الرمعات قاتله
ولكن تبي تدقيق اكثر
الموضوع عند الاخت همسة غلا قريب جدا
ولكن فكري شوي
المهاجم ليه يعربون منه الناس او ينزالون منه
بالعكس الناس تطرده ولكن هذا الشي اللي اعنيه مجيه عقوبه
واذا لفا ينزال الناس من عنده (ينزال)=يبعدون عن وجهه او لاايبقى امامه غير رجل
تحياتي وامنياتي لكل اللي مرو هنا
وعليكم التفكير او التدقيق اكثر
لان الاخت همس قتلت اكثر من خمسين بالميه
والباقي شوي بس فكرو

[محمد ال مهيد]

يمكن يكوون الحارس

والمسدد لضربه الجزاء


وش قلت

[محمد الفرحان]

.

.

الظاهر جابه محمد ال مهيد

ضربة الجزاء عقوبه

واللاعبين الأخرين يفسحون له المجال

غصب بإمر الحكم ولايبقى امامه الاحارس

المرمى . .

ننتظرك ياعويد