تصاريف الحياة << محمد عبدالله آل مطلق الدوسري

[النهيم]

تصاريف الحياة

هذه القصيدة للشاعر الفذ الرائع محمد عبدالله الغياثات الدوسري

لا أطيل عليكم أترككم معها


تصاريف الحياة أعطت ممارسها وعي ودروس
تعلّمه الليال الي مع الأيام يدرسها
نفوسً تعتلي همّه ولاكل النفوس انفوس
عزومً تختلف يالي تود أنّك تقايسها
أحد لاهي ولايدري وأحد ماخذ بيده القوس
تعرّف واعرف العالم تخطط في مجالسها
نعرف أن الشجر يبقى ولا كن لوغزاه السوس
بعد مدّة تشوف السوس يقلعها وينكسها
صدق من قال لاتامن على الدنيا تدوس الروس
ثياب" لوتفصّلها يجي غيرك ويلبسها
تلفت وانظر العالم وتلقى الواقع الملموس
محابيلً تعقّد لك على دربك تحسسها
كذا الأيام لو مرّت تبي تكشف لك المدسوس
مدام أن الصقور أقفت ولاتبغى فرايسها
وأنا البارح غدا ليلي هواجيس" تحد اهجوس
ونار القلب ماتطفي ولاتطفي مقابسها
وإذا ضاقت بغنّيها وبلعبها على المنكوس
قصيدة ترسم الواقع على المعنى مسيسها
نجوسً لو تضحك لك ترى تبقى النجوس انجوس
حرامً حرم ما قدّم يميني الها واخامسها

[عاشق خيال]

أشكرك أخي النهيم على نقلك لهذه القصيدة الرائعة

وصح لسان قائلها

وصح بدن ناقلها...

[قديم الشوق]

هلا بك أخوي النهيم

مساك الله بالخير

وصح لسانك ولسان الشاعر / محمد بن عبدالله المطلق

قصيدة جزلة من شاعر جزل ومتمكن

شكرا ً لك من الأعماق

وقد تم نقل القصيدة في القسم المناسب لها

وفي انتظار جديدك الجميل

وتقبل فائق احترامي وتقديري