جيت ادور لشاعر ما يهاب القصيد

[عبدالله العقيل]

تنشيط والحاضر من الشعار يتفضل



جيت ادور لشاعر ما يهاب القصيد
يعجب اللي في الساحه ويرتادها

ان رما في سهومه كل رميه تصيد
ولو عصته المعاني غصب يقتادها

[عبدالله العقيل]

عذرا يالشعار يظهر اني اخطيت الدرب


مالقينا منافس لا سعد لاسعيد
العرب كنها مستعذبه ارقادها

صح ماكل نار بكل شبه تقيد
علم الاسمري اني سرت جلادها

[محمد الأسمري]

ارحب يالعقيل .

العذر والسموحة .. والله كنت في الطايف أتبرد ..

كانك تبي المسرى أقرب جاي ..

وش بلا صاحبي ينقص ويرجع يزيد= يحسب انه تمكن والعرب صادها
دام جينا ضربناكم بكفٍ حديد=ما خفتنا النجوم وكم هي اعدادها

[عبدالله العقيل]

يالله حيه

كأنك تبي تصيف من بدري هاهاهاها

علمني ليه الطايف مو عسير



ما ادعيت اني الصاحب لعقد فريد
مير بعض العلوم احب واعتادها

واش معك بالهدى والا تبي تستعيد
ذكريات قديمه راح ميعادها

[محمد الأسمري]

من حسن حظنا :) الطايف قريبة من جدة

قلنا نتبرد طرف يوم ونعود ..

أنت شاعر هواوي منت والله عميد= استرح والعرب لا تدبل اكبادها
في عروس المصايف كل طلعٍ نظيد=رحت ادور مزون الخير وأبرادها

[عبدالله العقيل]

حبك في الله يامحمد الاسمري

بس ماهي ماسكه معي الطايف هاهاهاهاها


للهوى عندنا جولات صح وأكيد
والعموديه نفسي كاسر عنادها

باردٍ يالك الله عند حد الجليد
فلا تصج العرب دام انت نشادها

[محمد الأسمري]

احبك الله يالقرم

من طيبك وانا أخوك

لأوله لأوله والثانيه ماتفيد = وانت ماتعرف الضيفة وزوادها
فيه عظمٍ قوي وفيه عظمٍ بريد= لاتسلم عجوز ابليس وأولادها

[عبدالله العقيل]

ليتك يامحمد موجود


ما يباهي بنفسه غير اقل العبيد
نعل ابو مدحةٍ لي كنت ردادها

لا تناظر بشمسي مقصدك لي تكيد
فشمسنا تعمي اللي نظرته حادها

[محمد الأسمري]

موجود موجود .. ولو انك خليتني الظهر والطاروق .. حامي

لكن ماعليه

استلم لاهنت

وش يحدك تسابق وانت رجلٍ بليد=أجلس وزين الدله وبرادها
شمسك اليوم فيّه والوعيد الوعيد=تبرك البكره اللي ميل أشدادها

[عبدالله العقيل]

معاك ساعتين من الحين واتشرف يالقرم

استلم الله يحييك



ما بيمديك تهدم دامنا اللي نشيد
نكرم الضيف قهوه وانت وكادها

فلا تظلل بعرف البدو وانت البعيد
عن البداوه بجبال نعرف ابعادها