دخـيـل اللــه ...روّووقــنــي !!

[عادل السلطان]

:

:

السلام عليكم جميعا ً


اشكر جميع من اتصل وسأل من الاخوان ومصافحه بعد غياب قسري اتمنى تنال الرضا

الخافق اللي في نبض الوجد قوّيته = مابين روح الأمل والعشق يسـابـقـنـي
يحري وصال ً تحرّاه وتحرّيته = والوقت يلعب على اعصابي ويرهـقـني
اكبر همومه في دربه : - ياعسى... ليته = واحلى الاماني ...تكذّبني وتـصـدقـنـي
يشقى في درب ً توّلاني وتوليته= ويرجى له وقت ً في كف ّ الياس ..يـفـهـقــنـي
ويذكر ظروف البعاد وطاري توقيته=ويشره له وقتي.. ويحشـم شاربي ودقني
مركى الألم مسنده والذكرى له بيته=بين الموادع وبين الوصل.. عـلّـقني
يرقب لـ وصف ً من القمرى علا صيته=ويعشق لـ طيفه.. وطيفه دووم يعشقني
ياللي في جوفي..(جنا عمري)..تسميته=قلب العنى يحرق اللهفات ..ويحرقني
اقبر فراقك .. وبعثر درب مريّته =من طاري بعدك..دخيل الله روّووقني
لولا الغرام اللي في مزنك تروّيته؟؟= ماكان يمطر سحاب الحب ويغرقني
نبض المشاعر وصدق الشوق ضميته= لملم سنينك على أحساسي ..وفرّقني
عهد الغلا من صميم القلب ناديته=صدّقني...تـبـطـي فـي قـلـبـي دووم...صدّقني
تبقى..في قلبي أعز أنسان حبيـته= وصورتك فالعين.. واعماقي ترافقني
وان كان قلبك في طاري الهجر قوّيته؟؟=الله يوفقك ..وادع الله يوفقني

:

: