نهايه رجل شجاع

[جورج الشوملي]

تحيه خاصه إلى الراحل الأديب حنا مينا وأقتبص من روايه من رواياته وتحولت إلى مسلسل نهايه رجل شجاع وحقيقتا أعجبني بشده فأقول بخاطرتي :

أنا الذي كنت

في شبابي

أهد الحيط

أشيل أشوالات

خمسين كيلوا

أشولين على ظهري

وما أتعب ولا أحكي آه

أعشقت المينا

والمينا مسيطره عليها

حيات الغابه والوحوش

إذا ما صرت زلمه

وبكل معنى الرجوله

بتندعس تحت الرجلين

وما حدا بسئل

ولو سؤال

وحتى الشرطه

عالفاضي مجرد أهمال

إللي ما كنت ذئب

فعلا أكلتك الذئاب

والريس الختيار

يا سلام على المقام

ما بنكسرله كلمه

وما حدا بوقف اقصاده

وما تبعته

وحكولي أنت غلطان

لو تنازلت عن مبادئك

واشتغلت تحت أمره

بسلمك منصب اكبير

اللك مقام واحترام

ما بتحلم فيه ولو بالخيال

وتحتك خدم

ولكن تيست

وما ندمت

انا حر ورح اضل حر

حتى لو خسرت

كنت زمان

اتعارك مع الشباب

اقاوم الاحتلال

كنت بطل من الابطال

كل الناس بتنحني امامي

ولما مرضت وصرت عجزان

وحتى ولد يسند ضهري

ما لقيت كمان

كنت مفكر العيب بمرتي

ومرتي بتبكي وبتخبي

عارفه العيب فيه

ممكن من الشيل

الثقيل خلى معي عقم

ولكن ما حسستني بأي نقص

ودايمن بتخبي

وانا زي التيس اللي قطع ذيل الجحش

وانا دايما مش سائل وناسي

ليش ما واجهتيني

هذا السؤال القاسي

اتشتقت للمينا

اشتقت للشباب

اللي عرقي مع عرقهم

اشتقت للطوش وللمشاكل

وللزعرنات

مع أني عقلت

عندي مره حلوه ومثقفه

وبنرفع فيها الراس

لكن الايام ما بترجع لورا

انا اكبرت ومقعد على كرسي

وهمومي زادت وما انتحرت

راضي بحكم الله

ومع كل هاذا

وما تركوني بحالي الناس

فتحت دكانه ولحقتني

الحكومه مرخصه ولا مش مرخصه

يعني تاركين اللي بنهب ملاين

وعينكوا ضاقت على واحد مسكين

همه بس يوخذ مصاري يمشي يومه

ويصرف على بيته وما يعتاز أحد

واللي كنت معهم بخصومه

بطاردوا وراي

بدهم موتي

ولكن تعال هون

مسكت رقبته وخنقته

ومرافصته رمتني ورمته

بالبحر اللي عشقته

والبحر واسع

وبخبي فيه كل اسراري

ومعاه برتاح

يمكن اقولوا البحر غدار

ولكن مش زي عطاله

غدر الانسان

متنا بالبحر

وهاي امنيتي تحققت

متت بمملكتي

ومش انتحار

قتل انا وخصمي

[بسكوته]

تحيه للاستاذ حنا

وسلمت يمينكم

[جورج الشوملي]

شكرا الك ولمرورك ولمشاركتك ايضا بتحيته أختي لكي مني كل التحيات