مابه عرب لو قيل ياغزه عرب!!

[العليا]

:
صبرا آل غزه .. صبرا فالرحى ستدور يوما على الجميع ..
وستكونون الشهداء المناضلين ..
وسنكون الجبناء القابعين تحت مظلة.. (لا نملك إلا الدعاء )
ونحُن نملك ( الكثير )
صبرا آل غزه .. وسُحقا آل يعرب !
:

واكبدي اللي كن يصلاه اللهب=نجضت على صاج العذاب أطرافها
واعيني اللي كل مادمعه ضرب=خدي تناثر فا اليدين إرعافها
مابه عرب لو قيل ياغزه عرب= عربك في ايدين اليهود أحلافها
( يابيه ) لايزعلك تنديد وشغب=لاصار عمك يمدحك بإسفافها
جاهر وقفّل (حدك) وكانك تحب=أقطع معونات الفقر وإسعافها
(عمك) يحبك والعتب مامن عتب=لن العتب مايلحق إلا ( أشرافها )
والقمه اللي تدّعي فك النشب= عزي لمن هو يرتجي إنصافها
موتي ياغزه وارتوي دم وتعب=إلين وحدتنا تلم أسلافها
إلا متى فزعاتنا حكي وخُطب=وإلا متى أرض الجهاد ( نخافها )؟؟
ماعاد به عِزه وغزه تُغتصب=وسنينها تشكي مرار إعجافها
أشلاء أهلنا باتت تجّمع ( حطب )= تدّفي بها كلاب اليهود أطرافها
حيا على باب الشهاده ياعرب=والحرب دقوا طبلها وأكتافها
نبي نجاهد والأبي لو ماغضِب= لصرخة محارمها ولبا هتافها
خلوه يحلق لحيته مع الشنب=ويجلس مع نسوانها برفافها
قلته وانا بنت ( الطنايا ) ماحَسب=راسي لسادات العرب وضعافها
والله لو روحي تُساق إني لهب= روحي ( لغزه ) واندفن بإضفافها
إما أعيش وعز راسي من ذهب= وإلا أموت وهاالحياة أعافها
(الموت ) حي الموت لامنه سلب=صهيون أرضي وأنتهك أعرافها
والعمر لا للعمر كانه ماكتب= (الله واكبر) وأعتلى مشرافها

اللهم أرحم شهدائنا .. وأسبل على أهلنا في غزه نصرا من عندك
وفوجا من الصبر والسلوان ياالله . .

[ودعاني الشرقية]

مشكورة شاعرتنا / العليا
على هذه القصيدة الجميلة والرائعة والمميزة بوضع غزة وخذل العرب
ولكن لا حياة لمن تنادي
وصح لسانك
وتقبلي شكري وتقديري

[قديم الشوق]

واكبدي اللـي كـن يصـلاه اللهب
نجضت على صاج العذاب أطرافها
واعيني اللي كل مادمعـه ضـرب
خدي تناثر فـا اليديـن إرعافهـا
مابه عرب لو قيل ياغـزه عـرب
عربك في ايدين اليهـود أحلافهـا
( يابيه ) لايزعلك تنديـد وشغـب
لاصار عمـك يمدحـك بإسفافهـا
جاهر وقفّل (حدك) وكانـك تحـب
أقطع معونـات الفقـر وإسعافهـا
(عمك) يحبك والعتب مامن عتـب
لن العتب مايلحق إلا ( أشرافهـا )
والقمه اللـي تدّعـي فـك النشـب
عزي لمن هـو يرتجـي إنصافهـا
موتي ياغزه وارتـوي دم وتعـب
إليـن وحدتنـا تـلـم أسلافـهـا
إلا متى فزعاتنـا حكـي وخُطـب
وإلا متى أرض الجهاد ( نخافها )؟؟
ماعاد به عِـزه وغـزه تُغتصـب
وسنينها تشكـي مـرار إعجافهـا
أشلاء أهلنا باتت تجّمع ( حطـب )
تدّفي بها كـلاب اليهـود أطرافهـا
حيا على بـاب الشهـاده ياعـرب
والحـرب دقـوا طبلهـا وأكتافهـا
نبي نجاهد والأبي لـو ماغضِـب
لصرخة محارمهـا ولبـا هتافهـا
خلوه يحلـق لحيتـه مـع الشنـب
ويجلـس مـع نسوانهـا برفافهـا
قلته وانا بنت ( الطنايا ) ماحَسـب
راسي لسادات العـرب وضعافهـا
والله لو روحي تُسـاق إنـي لهـب
روحي ( لغزه ) واندفن بإضفافهـا
إما أعيش وعز راسي مـن ذهـب
وإلا أمـوت وهاالحيـاة أعافـهـا
(الموت ) حي الموت لامنه سلـب
صهيون أرضي وأنتهـك أعرافهـا
والعمـر لا للعمـر كانـه ماكتـب
(الله واكبـر) وأعتلـى مشرافهـا

شاعرتنا المبدعة / العليا

بيض الله وجهك يابنت الرجال

عز الله انها قصيدة وعز الله إنك جبتيها على الجرح

وكان الله في عوون أهلنا أهل غزة

وأسأله تعالى أن يرحم شيوخهم ونساءهم وأطفالهم

وأن يلطف بهم وأن يزلزل الأرض من تحت اقدام إخوان القردة والخنازير

ألف شكر ياشاعرتنا القديرة

وجعل الله ماكتبتيه في ميزان حسناتك يوم القيامة

ولا تحرمينا من جديدك الممتع

وتقبلي فائق تقديري واحترامي

[عاشق خيال]

صح لسانك شاعرتنا ( العليا )

وأشكر لك غيرتك على أهلنا في غزة

فرج الله عنهم و نصرهم

واسمحي لي بأن أنقل قصيدتك الرائعة للملتقى الخاص بقبيلتي
مع حفظ حقوقك الأدبية

شاكر لك سلفاً موافقتك

وتقبلي مروري
ودمتي منبعاً لا ينضب

[عبدالعزيز الرقابي]

وسبعة أنعام فيك يابنت شمر .. وأنا قايل مايجيبها إلا .................. ،،
طال غيابك يالعليا .. ورجعتي لنا بالملحمه الشعريه الصارخه المحمله بالوجع والحزن والأسى



شكرا .. يالعليا على هذا الكم الهائل من الأبدااع ..

[فيض النقاء]

أختي العليا

ماشاء الله

قصيده رائعه وجميله

والله بنصر المسلمين في غزه

ولك كل الشكر على غيرتك الدينيه

[مخمليّة]

الله ياعليا
حرف شامخ حسّاس
بكل صراحة
يرضي الذائقة وأكثر!