رسول المحبة

[أحمد السكران]

يارسول المحبه خذ كتاب الغرام
........... وصّله ديرة اللي فارقتني شهر
قلّها اني حزين .. وعفت حلو المنام
............ عايشٍ بين هم .. وبين حزن .. وقهر
يوم هلّت عيوني دمعها ماتلام
............ اسهرتني وأنا مانيب يم السهر
عذّبتني وتعذيبي عليها حرام
............ والدموع الشقيه فوق خدي نهر
جيت ابا اوصف شعوري مير ضاع الكلام
............ همت في حسنها الجذّاب طول الدهر
وشفت لي حلم وين امفسّرين الحلام
............ شفت بستان من شافه دهَشَ وانبهر
لودخل فيه كافر كان صلّى وصام
............ واسلم اقبال ربعه والقرايب جهر !
الفواكه بوسطه تشكي الازدحام
............ كل نوعٍ بزينه وبحلاه اشتهر
جالسٍ به لحالي يوم حل الظلام
............ آتمشّى وأنا آكل لين وقت الظهر
ويش تفسير حلمي بالوفا والتمام !
........... دام قلبي على ذيك الهنوف انصهر
واهدها يارسول الحب مني سلام
........... مع تحيه تفوح بريح ورد وزهر
وكان هي بادلتني بالغلا والغرام
........... قل لها وش نوت بي عقب غيبة شهر !

[قديم الشوق]

شاعرنا / أحمد السكران

صح لسانك وأنا أخوك

قصيدة عذبة من شاعر متمكن

وقد قمت بإعادة تنسيق القصيدة لوجود خلل في التنسيق السابق

شكرا ً لك من الأعماق

وتقبل فائق احترامي

[أم غزلان]

واهدها يارسول الحب مني سلام
........... مع تحيه تفوح بريح ورد وزهر


صح لسانك ولاهنت

قصيده رائعه بكلماتها مميزه بكاتبها


دمت بخير

[نووود]

صح لسانك احمد السكران
قصيدة رائعة
تقبل مروري

[أحمد السكران]

قديم
صح بدنك ياغالي ومليون شكر على التنسيق والحظور والرد

[ماجد النعيس]

ويش تفسير حلمي بالوفا والتمام !
........... دام قلبي على ذيك الهنوف انصهر

صح الله لسانك

قصيده اعجيتني جدا

ودمت بود

[محمد علي الفتّّوح]

صح لسانك اخوي احمد...

قصيده اكثر من رااااائعه ...

تقبل مروري

[مها العتيبي]

صح السانك وبيض الله وجهك

[عناوين الدمـوع]

صح لسانك والله يردها بالسلامه .........تقبل مروري

[صالح البحيح]

صح السانك اخوي ويعطيك العافيه