قالوا علامك ؟ مصافحة أولى

[يزيد النمي]

.
..
...

أقول وعمر القاري يطول :

قالوا علامك كن غازيتك اكدار = ضايق وتسريبك كثير التفاكير
هو من هلك وصلتْك شينات الاخبار = أو طايحٍ في حب سيد الغنادير
قلت الذي قلتوه يالربع ما صار = بس اصبروا واخذوا جميع التفاسير
فالبال كسب المال هو سيد الافكار = سيطر على التفكير من وين ما اسير
ودي نحس انا مطانيخ تجار = ودي نصير من الرجال الهوامير
فالمال عز الناس جاه ومقدار = والفقر تال الوقت ذل المناعير
نبيه لا جانا ضيوفٍ وخطار = وجدودنا بالطيب ناسٍ مشاهير
نسلك مسالكهم ولو انه اعسار = عسرة على ناسٍ تهاب المعاسير
حيث ان بذل المال للعيب ستار = ونبيه يسترنا ليا صار تقصير
قالوا بالاسهم ربح ماهوب قطار = خيره كما وبل المزون المزابير
طاحوا عليه الناس من كل الاقطار = في كل بنك ماسكينٍ طوابير
قلت لهم الاسهم ترى لعب واقمار = قالوا لي ادخل خل عنك المعاذير
في سوق الاسهم يشبع اصغار واكبار = كلٍ تجر مير انت تخشى المحاذير
قمت ودخلت السوق ماهبت الاخطار= ما كني الا ياعرب سالم الزير
سطى على كل المخاليق واغار = وانا على اسهم سوقنا ساطي امغير
حطيت رجلي داخل السوق وانهار = وليت ياحظٍ قليل التباشير
تشوف عيني يوم طاحن الاسعار = حمرا تقل طعنة سيوفٍ مشاطير
وانا ادري ان حظي كذا دوم عثار = ياما عثر بي لا توسمت به خير
صفى رصيدي ما بقا به سوى اصفار = صفيت من ربحي بزود المخاسير
مير احمد المعبود علام الاسرار = فضله علينا ما تحيطه تقادير
ما جتني الجلطة ولانيب بشهار = ولا شلت دينٍ فوق متني كما النير
اسلا ، الا من قلت من ربي اقدار = والرزق من عنده مقسم بتقدير
وصلوا على سيد البرايا والابرار = المصطفى المختار ما غرد الطير

وسلامتكم

يزيد النمى

مبدع اخى

صح لسانك ولاهنت

ملايين المرات

دمت لنا بود وتألق


وننتظر دوما مزيدك


من الابداع لك الود


نــــغ ـــــمـ

[مـــــلاذ]

يزيد النمي


مصافحة أكثر من رائعه


و تواجد قوي جداً و صح


لسانك مليوووووووووون


دمت بهذا التألق


بالغ الود

[( حايره )]

حطيت رجلي داخل السوق وانهـار
............... وليـت ياحـظٍ قلـيـل التباشـيـر

أنتبه لا يسمعونك وزارة الماليه وإلاّ الإقتصاد
يوجهون لك تهمة إنهيار سوق الأسهم :D


عزيزي
اولاً / أهلاً وسهلاً فيك
ثانياً / يسعدنا ان تكون المصافحة الأولى بهذا الجمال
وأن تكون تصوير لواقع يتعايشه الناس يومياً مع مايحصل في الأسهم

ألف صح لسانك
ولا هنت

[خلود الياسمين]

::::::::::::::
اللهم صلي وسلم علي سيد الأبرار
صح لسانك أخوي تصوير رائع
وأبيات سلسه ..,
دمت بخير ..,

[حماد القريني]

صح لسانك وجاد نظمك

لاهنت ولاهان راسك

تحياااتي

[مزون المحمد]

يزيد النمى


إذا سلم العود المال يعود


الله يعين الناس على ما أصابها


أبدعت أخي

دمت بخير

[عبدالله العويمر]

يزيد



اهلا بك




حضور جميل



سلم حرفك




دمت بود

[التميميه]

صح لسانك مليون يايزيد

وحياك الله في منابعنا ياولد عمي :)

[محمد الفرحان]

.

.


الشاعر الرائع

يزيد النمى

.

.

اهلا وسهلا بك في منابع الشعر والأدب وكلنا سعاده

بتواجد هذا الاسم بيننا وعسى ان تجد لدينا مايكون

دافعا" لك لتقديم الجديد والمميز وكل ماهو معهود

منك ويكون سببا" في طيب وطول اقامتك بيننا .

وياهلا بك ومرحبا بين اهلك واخوانك ومكانك العيون

والقلوب قبل المنتدى . .

.

.

حضور للترحيب وسيكون لي عودة الى هذه الرائعة

ان شاء الله . . .

.

.


تقبل فائق تقديري واحترامي