عطني زقاره

[هيكل الشمري]

عطني زقاره يابعدي ،،، عشت لاهنت = النار من نارك تطفي حرايق
مزه من الدخان وخصوصن الكنت = ترفع بي الاجواء لاكنت ضايق
عيشه بلا دخان ماتساوي السنت = يوم الخفوق اصبح له الوقت عايق
من قال لي مجنون باقول له انت = مجنون وفاصل عن جميع النطايق
ابنشدك يالايمي منين ماكنت = عطني من الاوقات بعض الدقايق
حال الملا يالايمي لو تيقنت = راع العقل مجنون والعكس فايق
ابنشدك يالايمي ليه جبنت = لاتسبق الاحداث هاك الوثايق
لاتسبق الاحداث يومك تلونت = يالايمي صبرك علي بالحقايق
شارون يبناله حواجز من سمنت = واستوطن القيعان وحط العوايق
حنا عرب وشعارنا بالخوي خنت = حاز المراتب من يخون الرفايق
دنيا دنيه شينتن لو انا زنت = وهي زينتن لاصرت نذلن وبايق
شوف العذارا ولبسهن لو تمعنت = اللبس فاضح لا ولا اللبس لايق
البعض دلوعه من تشوفها لنت = والبعض حطت وسط سره علايق
يالايمي شفهم ولوك تبينت = تلقا الولد منفوش شعره حدايق
يالايمي شفت الرجل صايرن بنت = والبنت صبيك لعن ابوهم خلايق
موضه وحضاره منهن ماتطمنت = البال من زود الفسق موب رايق
لاتامن الدنيا ولوك تأمنت = لتصير في هذا الزمن منت طايق
عطني زقاره هم بعد يابعدي انت = هيضت في قلبي جروحن عتايق
مزه من الدخان وخصوصا الكنت = ترفع بي الاجواء لاكنت ضايق
عيشه بلا دخان ماتساوي السنت = يوم الخفوق اصبح له الوقت عايق

[مـــــلاذ]

السلام عليكم و رحمة الله وبركاته


الشاعر المبدع / هيكل الشمري


يشرفني أن أكون أول الحاظرين


هنا ..


قصيده أكثر من رائعه و صح لسانك


مليووووووووون .



بالغ الود

[مزون المحمد]

هيكل الشمري


قصيدة جميلة


لكن التدخين مضر بالصحة :)


لاهنت أخوي على تواجدك الطيب


دمت بخير

[محمد الفرحان]

سأعود يامبدع

[ونين]

الشاعر هيكل الشمري




ألف صح لسانك على هذه القصيدة الرائعة





حضور رائع و قصيدة ولا اروع





تحياتي لك





ونـــــين

[نواف السعدوني]

هيكل


الله عليك


والله على قافك


لافض فوووك والله


صح السانك واعتلى شانك


تحيتي لك


السعدوني

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[عبدالرحمن الخالدي]

لاتامـن الدنيـا ولــوك تأمـنـت
...................لتصير في هذا الزمـن منـت طايـق


اي والله


الف صح لسانك اخي الغالي

[فهد الدباسي]

هيكل الشمري



نص رائع جداً


مليءٌ بـ المتعةِ و الروعة



صح لسانك و لاهنت

تقبل تحياتي

[بسـام بن عبدالعزيـز]

هيكل



والله إنك صااادق

دنيا دنيـّه شينتٍ لـو أنـا زنـت=وهي زينتٍ لا صرت نذلٍ وبايـق!

صح بوحـك .. وتسلم يمنـاك

ولاهنت يا بعدي



احترامي