سلامي وانا شاعر وعندي مقاصيد ..........

[فهد الذيابي]

سلامي وانا شاعر وعندي مقاصيد = بعد قالو اهل المنتدى شعللوها
انا مع هل الطالات مابغى المناقيد = يجى الشاعر اللي كلمته قدروها

[محمد الأسمري]

هلا مرحبابك جات مني بتعميد=عن المنتدى وأهله ومن رددوها
تقدم وهات العلم وان زدتو انزيد= لفا الشاعر اللي وقفته يعرفوها

[فهد الذيابي]

يدوم البقاء عداد من عيد العيد = وعدد فرحة الصيام يوم اخبروها
ولايامحمد وش تصيد البواريد = وكلمة محمد ياعرب فسروها

[نادر بن خلف العتيبي]

ترانا نتابع ياجماعه من بعيد && لكن ناركم ياربعنا ولعوها

[محمد الأسمري]

ولا يالذيابي لو تخيل المواريد =توقى ترى شمط اللحا يحتموها
حذاري من البندق وحمر العباريد= ردوده من اللي قبلكم ثوروها

[محمد الأسمري]

ارحب يا بن خلف

صح لسانك يالذيب ..

لاهنت حضورك .. مطلب

لك كل التقدير

وانا والله ودي نلتق انا واخوي الذيابي . . ونقرحها مره وحدة

حلاة الوسيمة .. في ساعتها

[نادر بن خلف العتيبي]

الله يبيض وجهك اخوي محمد ومتابعين محاورتكم الشيقه


تقبل تحياتي

[مبارك بن مسفر]

فهد الذيابي


محمد الاسمري



يالله لاتهينهم

متابعين وماسكين الصفوف


تحيتي وتقديري لكما

[فهد الذيابي]

ولايامحمد لاتطول المواعيد = وبيوت المعزه عجلو عمروها
انالاغزيت اجيب لك طيب الفيد = لكن الذلول ام الشداد انحروها

[محمد الأسمري]

انا يالذيابي ضد شعر المساعيد=بيوتٍ بلا معنى وكلٍ قروها
ترى الدم من راسك ومن يدك الحيد= عسى ماهي ابغلطه عليك امسكوها