عــلــبــا ,,, صــعـــيــدي

[ناصر آل شهوان الهاجري]

أشكر اختي

مزون الحمد لدعوتي

وادري انها ودها تقولي بدري

والسموحه على التأخر لتلبية الدعوه

ياراس مالي دق سلف الجديدي = وشيَك على زيته وشيَك على ماه
ومر المحطه صب لإبن الحديدي = بترول سوبر كل خزان عباه
تلَه توجه صوب منفذ بعيدي = 90 كيلو بينكم واحلالاه
وإحذر على خطك بسرعه تزيدي = الخط شين من البدايه إلى أتلاه
وإلى وصلت المنفذ ابرز وحيدي = اللي عليه اختام دولة قطر جاه
يختم خروجك من ديار الفريدي = (إبن تميم العز..ابو مشعل فداه)
(كل الرقااااب وعمرنا لو مديدي = يبشر بنا في حزة الضيق ننصاه)
ولاتبطي بسلوى وود البريدي = وراك خط ٍ يتعب الناس ممشاه
وإلى مسكت الخط اصبحت سيدي = اضغط على الدعسه ..ولاتقصر خطاه
الخط واسع وانت مالك نديدي = على جديدٍ .. صعب يوجد حلاياه
ولامن لفيت ديار الأحسا وكيدي = ودوارها الثاني..تياسرت..وياه
خلك مع اللوحات..هذا مفيدي = إلين تطلع واحكم الدوس وإصلاه
ومر المحطه ..عب له يالوليدي = تسلم من التأخير والخط نبغاه
وإنصى خريص وطالبك ياعضيدي = الخط واحد ...(والمطايا)..تمثناه
وأرفق يامحزم ناصر أنت الرصيدي = وافهق خريص لمفرقٍ لاقربناه
اربط حزامك خل كنك طريدي = من فوق خط ٍ ..كنه اللي تمناه
طول على (محمد) بصوت ٍ شديدي = على أغنية( حبيبتي نجد) بالله
ولايشغلك ياخوك بالخط ( C D ) = وماجدت من سرعه فحنا طلبناه
ثلاثة خطوط ٍ تقل هل من مزيدي = فيها (المواتر بالمجاكر مظراه)
تل الحديد ابن الحديد الشريدي = نيسان بترول ٍفريد ٍ بالاشباه
صنعة هل اليابان فكر ٍ عنيدي = موديل سنته من حفيزه شريناه
لامر مقفي قلت علبا صعيدي = من نسل (عمُده) بالمعيشه..تولاه
خل المواتر خلف زولك تعيدي = تقرا قطر في لوحته في محياه
وأحذر من التفتيش حاسب بعيدي = وأخلص وتله لاتحنه وترفاه
لاشفت أنوار الرياض السعيدي = ردد وقل جاكم رسولي من اقصاه
أضررررب سلام ٍ منبعه من وريدي =تحية ٍ من أول الدار لا أتلاه
خفف مسيرك عل عينك تصيدي = مفرق يمينك عل محنا فهقناه
وإلى لقيته أسلكه لاتحيدي = وتوسط ديار ٍ بها الروح مهداه
قل للشوارع والعماير شهيدي = على محبتكم إلــــــه ٍ عبدناه
وإحذر من التأخير ذالليل عيدي = ياطارش ٍ من جد لا لا عدمناه
رح وصل إحساس ٍ يترجم قصيدي = سلم على ..ريم النفود..المخباه
وإقرى عليه الخط نزف الصديدي = قله من ديار.. التميمي .. جلبناه
من شاعر ٍ بالقاف قوله رشيدي = وفي كل شامخ لابغيته بتلقاه
فكره يصوغ الحرف وأيضا ً يجيدي = ياصاحب ٍ لو صد فالعين سكناه
الشوق خلا عضام صدري جريدي = والحب ..ماله طب.. لونا ..كويناه
كن المشاعر يم غيرك جليدي = مفصولة الأسلاك كنها مطفااه
وإحساسي لغيرك يسمى بليدي = وأنت الذي لو غبت لحظه ضميناه
كم مرة ٍ يسريك فكري وحيدي = مع غفلة النايم ..حبيبك ومركاه
أنا اشهد انك نلت كلي وبيدي = مديت لك قلب ٍبحبك بريناه
وإن كان ماشفت الغرام بقصيدي= وما لامست جوفك بيوتي نسيناه
نسيت طاري الشعر يا أغلى فريدي = ومن صفحة..الديوان..إسمي شطبناه
لأنك سريت بوسط دم الوريدي = والشعر جالك ..يا أدعج العين برظاه
يانكهة أبيات.. الغزل ..في قصيدي..= يآآآآآخر محطاتي.. ليامن ذكرناه
ياغاااالي ٍ جانا على مانريدي = يا مالك إحساسي وشعري ومبداه
أصبحت انا عقبك سواة الوليدي = اللي فقد ذرة حنان ٍ بدنياه
وختامها بالمسك والعود زيدي = ريح الورود اللي من القلب مهداه
صلى الله الرحمن دومٍ لسيدي = أفظل صلاة وسلم وعد ما جباه
تسجد لربي من قريب وبعيدي = اللي أمامه يستوي الفقر..والجاه
على رسول ٍ بالخصايل يبيدي = كل القوافي ..ماتوفيه..لله
وأرجوا السموحه ..لو يقصر جديدي = (وياطارش ٍ عل المنايا تعداه )
لاااااااهنت يامحزم اخوك وعضيدي = ياطارش ٍ من جد لالا عدمناه

[مشاعل ابراهيم]

أخي ناصر الهاجري









الله الله عليك










قصيدة في قمة الروعه من شاعر ولا اروع








صح لسانك مليووووون ولا يكفون على هذه الرائعه










التي بروعه حضورك ورقة تواجدك












لا تحرمنا من جديدك










دمت بألف خير

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[قديم الشوق]

أخي الغالي / ناصر آل شهوان الهاجري ..

صح لسانك على هذه الشامخة

قصيدة معبرة وجميلة من شاعر مبدع ومتمكن

شكرا ً لك من الأعماق على إمتاعنا بهذه الرائعة

وتقبل خالص تحياتي وتقديري

أخوك / قديم الشوق

[ناصر آل شهوان الهاجري]

المشاركة الأصلية كتبت بواسطة مشاعل ابراهيم

أخي ناصر الهاجري









الله الله عليك










قصيدة في قمة الروعه من شاعر ولا اروع








صح لسانك مليووووون ولا يكفون على هذه الرائعه










التي بروعه حضورك ورقة تواجدك












لا تحرمنا من جديدك










دمت بألف خير

الشاعره



مشاعل




مرحبا بمرورتس الكريم


وصح


بدنتس ولاهنتي



على الإطلاله

[خالد بن عبدالله]

الشاعر الراقي ناصر

صح لسانك ملايين

ابداع في ابداع

قصيدة جزله من راس جزل

بيض الله وجهك

دمت بود

[حماد القريني]

صح لسانك وجاد نظمك

لاهنت ولاهان راسك

تحياااتي

[( حايره )]

الله الله يا ناصر

عشنا معك الرحله لحظه بلحظه

حسينا كأنه إحنا اللي مشينا الخط اللي أنت راسمه

إن شاء الله يكون مرسالك ردّلك علوم تشرح الخاطر :)

وتستاهل عنوة عضيدك ;)


سعداء بتواجدك

ألف ألف صح لسانك

ولا هنت

[محمد الفرحان]

.

.


الشاعر الرائع

ناصر آل شهوان الهاجري

.

.

اهلا وسهلا بك في منابع الشعر والأدب وكلنا سعاده

بتواجد هذا الاسم بيننا وعسى ان تجد لدينا مايكون

دافعا" لك لتقديم الجديد والمميز وكل ماهو معهود

منك ويكون سببا" في طيب وطول اقامتك بيننا .

والشكر كل الشكر لـلعزيزة مزون المحمد على تقديمها

الدعوه للمميزين امثالك

وياهلا بك ومرحبا بين اهلك واخوانك ومكانك العيون

والقلوب قبل المنتدى . .

.

.

حضور للترحيب وسيكون لي عودة الى هذه الرائعة

ان شاء الله . . .

.

.


تقبل فائق تقديري واحترامي

[فهد الدباسي]

حضورٌ متميز


و الأهم أنه حصل


و شكرنا كبيرٌ لك و لـ الأخت / مزون



صح لسانك و لاهنت

تقبل تحياتي