غيمة أفكار

[سعيد الغامدي]

أحترت كيف أميز الفكره بشعرٍ مستطاب = حتى تعالج قلب مشغولٍ من الهم التهى
رغم إنني عانيت من كثر المتاعب والصعاب = أشعاري اللي ترتقي بالفكر ما هملتها
يشهد على قولي دموعٍ لا تهامت كالسحاب = تجرح شعور قلوب ما تاوي إذا هملتها
وأنا الذي خاطِره من درب الهوى والغي طاب = والنفس عن درب الغوايه والهوى كبلتها
يا غيمة افكارٍ بعد ما التمت أنهارت ضباب = لا يروي الضامي وتبطي هقوتي ما طلتها
دونتها في صفحةٍ ما ظن يحويها كتاب = الصفحة اللي لو يطول الوقت ما كملتها
لكنها لو تكتمل تنهي متاهه واغتراب = من غلطةٍ حرى بقلبي وحدي تحملتها
الغلطه اللي عرضت عمري على اقواس النشاب = مالت علي أحداثها واقفت ولا عدلتها
يا صاحبي والوصل مهما طال يمحيه الغياب = ذي غيبتك في غربتك بالثانيه سجلتها
أنا الذي عايشتها من دون شكٍ وارتياب = وأنت الذي حرمتها وأنت الذي حللتها
الهم لامنِّه سطى ما يستره ثقل الثياب= هذي ثياب الهم فوقي وأنت لي فصلتها
فصلتها ولبستها ولقيتها ثقل الهضاب =أهديتها يا صاحبي واضفيتها واسبلتها
يا خشيتي لا يعتري نفسي مخافه واكتئاب = باسباب من باغلى مشاعر مهجتي جملتها
رغم إنها لا تقبل اعذاري ولا ترضى عتاب = من شأن ترضى كل حيله بالوجود أحتلتها
العمر رحله والمشيب اقفى بهقوات الشباب= وأخشى صعاب الوقت يمضي عمر ما ذللتها
إن كان ما ذللتها والحظ فيما فات خاب = وأعميتها يا صاحبي من بعد ما كحلتها
فاترك لنا بعض الأمل لو نطرده مثل السراب = يمكن يجي لحظه تفك أبواب قد قفلتها

تقبلوا تحياتي

أخوكم

سعيد الغامدي

[غالب العوفي]

اخوي سعيد


صح لسانك ابدعت واسعدني حضوري هنا

تقبل وافر التقدير

[مزون المحمد]

سعيد الغامدي


تشرفنا بحضور حروفك

صح الله لسانك ,, بإنتظار قادمك الأجمل

لاهنت أخوي

[( حايره )]

يا صاحبي والوصل مهما طال يمحيـه الغيـاب
ذي غيبتـك فـي غربتـك بالثانيـه سجلتهـا
,
,
كنت سأختار القصيدة بأكملها لأضعها في الرد

أبيات أكثر من رااااائعة

سعيد

ألف ألف ألف صح لسانك

ولا هنت

نتمنى التواصل الدائم

[عبدالله الدوسري]

سعيد



سبق لي مصافحتها



و كاني في حلم




دمت مبدعا،،،،

[حماد القريني]

صح لسانك وجاد نظمك

لاهنت ولاهان راسك

تحياااتي

[محمد محفوظ]

لآ فض فووكـ سعيد وصح لسانكـ

قصيدة جميلة وآحساس آجمل وسطور رائعة خاطبت الصمت حتى نالت من وتحدث


لآ عدمنا توآجدكـ وحضوركـ الرآئع ولا تحرمنا من جديدك

دمت ودآم نبض قلمكـ

[فهد الدباسي]

سعيد الغامدي


حضورٌ رائع

و شاعرٌ نفتخرُ بك متى ماحضرت

كونك مبدع و تواجدك مكسب


صح لسانك و لاهنت

تقبل تحياتي

[محمد الفرحان]

.

.

صح لسانك ولاهنت ياسعيد على هذا

الحضور المميز ولاتبطي علينا فنحن

بوجودك نسعد ونتشرف . .

.

.

دام هذا الحضور / النور

تقبل فائق تقديري واحترامي

صح لسانك

لاهنت ولاهان راسك

تحياااتي