ياسعود

[رائد الزهراني]

يسرني اقدم الى الاذواق الشعريه هذي القصيده التي

امل من الله ان تنال استحسانكم

ياسعود الليل همي والألم تالي النهار=والقلم حزني وعمري بالزمن صفحه كتابه
اوزن اوتارك لطرق ٍجاش فيني واستثار=المواجع صوت لحني والامل ما اندق بابه
خابرك تعزف جروحي بس عندي اعتذار=قبلما عودك تدنه خلني الخافي صوابه
ابتعد يكفيني انك من بعد ماغبت صار=تطرب الدنيا بعناها والعنى قلبي جوابه
واذكر اني بكل مره دوم عايش باحتضار=نار في جسمي وروحي كم تداري بالتهابه
ومن تعب عيني تمنت شوفها ينهي انتظار =بالعمى مدام عيني مااهتنت صدق الهنا به
واذكر اني للمحبه كنت مع كوني مدار=احسب الماضي والاقي غيبته تغلب لقابه
واعتبر ماقلت عابر وخل لي كل إحتيار =يكفي ماغنيت همي وانطرب سمع ٍ لفابه
ولو سألك الوقت عني قله اني باختصار=شاعر ٍ لكن شعره كالحطب نار لعذابه

:rose:

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[فهد الدباسي]

رائد الزهراني


اسمٌ جميل

و نصٌ رائع


فـ هنيئاً لنا هذا الحضور


صح لسانك و لاهنت

تقبل تحياتي

[مزون المحمد]

رائد الزهراني

صح الله لسانك شاعرنا

حضور عذب بحرف راقي

دمت بخير

[قديم الشوق]

أخي الغالي / رائد الزهراني ..

صح لسانك

قصيدة أكثر من رائعة

الف شكر لك

وتقبل خالص تحياتي وتقديري

أخوك / قديم الشوق

[محمد الناصر]

نص مليءٌ بالروعة و التميز

..

قراءته تدفعنا نحو التأمل طويلاً

..

رائد الزهراني


صح لسانك

[محمد الفرحان]

.

.

صح لسانك ويسلم بنانك ولاهنت شاعرنا

المميز رائد الزهراني على هذه القصيدة

الرائعة بروعة حضورك مع تمنياتي بمشاهدة

جديدك ورؤية اسمك يزين المنابع دائما ولاعدمنا

هذه الاطلالة . .

.

.

تقبل ائق تقديري واحترامي

صح لسانك

وتسلم يمناك

نص رائع

دمت ودام ابداعك

تحياتي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[حماد القريني]

صح لسانك وجاد نظمك

لاهنت ولاهان راسك

تحياااتي