حبنا يابحر جدة حب ورد الطايف...يومنا باقي صغار وبيننا حنّيّة...جديدي

علي عبدالرحمن الأسمري · 03-03-2008, 03:51 PM

صلوا على محمد

اعتذر عن غيابي واليكم جديدي القديم

يسقي الله وأنت طفلٍ بين ورد الطايف=تستحي منّي.. وأنا ميّت مـن الحنِّيَّـة
ودّي اقرُب منك..وآنا ياحياتي خايـف=توّ ماطبّ الهـوى قلبي..عليك..وفيَّـه
ابتدى في نون عيني..وانتهى بالجايف=وانتقل..يوم انتقلتي في هوى الغربيـة
يادفا حبّ الطفولـة..والله انّـه كايـف=استعيـده فـي خيالي..واكتُبَـه بيْديّـه
يوم من صدق النوايا..مانشوف الزايف=حلمنـا بـسّ انتجمّع..ناخُـذ العيديـة
ودارت الدنيا..وشفْنا وانت مثلي شايف=كيف طاف الوقت سرعة..راح ماله جيّة
مابقى الاّ الذكريات..من الزمان الطايف=نِفْتَكِر..ونعيشهـا ياسلـوتـي ليلـيّـة
مثل حبّك..ماتزعزع..ثابـتٍ كالنايـف=لاتضايق وسْـط قلبي..تاسعـه عينيّـه
وكلّما عبّر محبٍ للهوى..(قود لايـف)=قلت انـا لبّيه..هـذي لهْجـة العِمّيَّـة
وِش لنا..وِش للكلام المبتذل والعايـف=دام تعبيـر المشاعر..مايبـي فنّـيّـة
واضحة مادام قلبي حول قلبـك حايـف=ماعلينـا..دام كُلّـي لك..وكُلِّـك ليّـه
حِبّنا..يابحر جدة..حـبّ ورد الطايـف=يومنـا باقـي صغار..وبيننـا حِنّـيّـة

وسلامة قلوبكم,,,