جروح الجدار!

عبدالرحمن البلوي · 13-05-2008, 01:37 AM

لا تصحين القصايد...والسهر ..من دون نـار!=لو تشبيـن الجـروح المبطيـه..بـ اول زمانـي
مت..من عرض الكلام..وطحت من عين..النهار!=لا نسيت اللي ذكرت ولاذكـرت اللي..نسانـي!
والبطى من طول بالـه... شغلتـه هالانتظـار=ان تباطاني.. لقيتـه وان تباطيتـه. .لقانـي !
صعب يا طول الطريق.. ترد لي حـب الديـار!=وصعب يا سلمى تموتي موتتين!!..بقلب فانـي!
من يقول ان الوفا..اغصان والعصفـور طـار!=ومن يقول ان الدفا ..احضان والبرد المحانـي!
بـاب واحـد للطريـق ...واتجاهاته..اكثـار!=والا انا..من كل عقلي قلـت يكتبنـي جنانـي!
انشدي الدفتر..عن اخـر ماكتبه!ويـن صـار!=وكم سنه مرت عليه بلا قصيـد ولا معانـي!!
وبسألك ياقلب ينبـض بالوفا...عنـدك خيـار!=فيه بعدالموت..فرصه تلتقـي فيهـا الامانـي!
ممكن اعشق من جديد وانبش جروح الجـدار!=ممكن اعشق من جديد وارجع اغتاب الاغاني؟!
قولي انك تسكنين بـراس شايـب لـه وقـار!=وانا أحده لين يلقى لي عـذر واجيـك حانـي!
قولي انـك تسكنيـن عيـون تتقادح..شـرار!=وانا باحط اصبعيني في عيون اللـي عصانـي!
قولي انك من بحور السبـع وكنـوز المحـار=!وانا اجيبك من بحور الشعر..انشـودة كيانـي!
قولي انك اخر امالـي وانـا ..بصـدر قـرار=واعتمد نسيان جرحي..وابتسم للـي كوانـي!