انا وحمد فرحان ومجهوووول

[محمد الفرحان]

.

.

فتحت الماسنجر مع تباشير الصباح ووجدت منسقنا الاعلامي حمد

فرحان متصلا على غير العادة

فارسلت له :

صباح الحب ياالسهران : اشوفك سهران على غير العادة

لاتكون حبيت من ورانا هههه

رد على وقال :

عفوا انا ماني حمد فرحان

رديت :

لاتكون هكرز على الصبح : من تكون أجل ؟

رد علي :

انا حبيبه

قلت :

حبيبه !

ولاحبيبته ؟

رد وقال :

ماهو شغلك المهم اني احبه

قلت :

ماهو انت اللي تحبه بلحالك كلنا نحب ابوفرحان

قال :

بس ماهو كثر حبي له

قلت :

ياعيني عالحب : الله لنا

اجل وش رايك نكتب فيه قصيدة حب

قال :

وشلون ؟

قلت :

مني بيت ومنك بيت وفي النهاية نطلع بقصيدة

قال :

ابدء :

فكتبت :

بحجم البحور وكثر رمل الصحاري = الحب لك في داخلي يابن فرحان

رد وقال :

أنت العظيم اللي خياله جواري=وأنت الفياض الى سكن نور الأعيان

قلت :

اشتاق لك دايم بليلي ونهاري = شوقٍ مخصص ماخذه اي انسان

قال :

وأتخيلك في كل لحظه بداري=تضحك وانا اضحك ونتسامر بتحنان

قلت :

صديق وافي فالرخا والمساري = وافي مع اصحابك على طول الازمان

قال :

ومنته بعد عشقن لهند وعذاري = انت الخفوقي نبض لو كان ماكان

قلت :

الله يقرب بيتكم من دياري = ونصير انا وياك بالقرب جيران

قال :

ونصير روحين غلاها شعاري=وإلا القلوب تكون شاعر وقيفان

قلت :

قربك اعده ياحمد هو انتصاري= وفي غيبتك ماظن بكون ربحان

قال :

وبعدك أحسه ثورتي وإنكساري=وأن جيت أهدأ حتى لوكنت بركان

قلت :

في غيبتك يعوضني نجم ساري = اقضي معاه الليل اشكال والوان

قال :

وإلا النهاية قلتلك وأنت ساري=مع السلامه جعلك بدوم فرحان

قلت :

وطريقك اخضر فالسهل والبراري = والقاك دوم بخير ياطير حوران

.

.

وهذي القصيدة بعد اكتمالها :

بحجم البحور وكثر رمل الصحاري = الحب لك في داخلي يابن فرحان
أنت العظيم اللي خياله جواري=وأنت الفياض الى سكن نور الأعيان
اشتاق لك دايم بليلي ونهاري = شوقٍ مخصص ماخذه اي انسان
وأتخيلك في كل لحظه بداري=تضحك وأنا أضحك وانتسامر بتحنان
صديق وافي فالرخا والمساري = وافي مع اصحابك على طول الازمان
ومنته بعد عشقن لهند وعذاري = انت الخفوقي نبض لو كان ماكان
الله يقرب بيتكم من دياري = ونصير انا وياك بالقرب جيران
ونصير روحين غلاها شعاري=وإلا القلوب تكون شاعر وقيفان
قربك اعده ياحمد هو انتصاري= وفي غيبتك ماظن بكون ربحان
وبعدك أحسه ثورتي وإنكساري=وأن جيت أهدأ حتى لوكنت بركان
في غيبتك يعوضني نجم ساري = اقضي معاه الليل اشكال والوان
وإلا النهاية قلتلك وأنت ساري=مع السلامه جعلك بدوم فرحان
وطريقك اخضر فالسهل والبراري = والقاك دوم بخير ياطير حوران

.

.

عاد يشهد الله اني ماأعرف اللي تحادثت معه وكتبت وياه هالقصيدة

بس الشهادة لله انه شاعر و شغله حامي حامي والبيت ماياخذ معه

دقيقة .

عاد :

حمد مايدري عن الموضوع الى الان . .

.

.

ان شاء الله مااكون ثقيل الدم عليكم وعلى هالقسم العزيز على نفسي

وللجميع فائق تقديري واحترامي

[عسافه]

محمد الفرحان

صح لسانك ومن معك قصيدة شامخه الله لايهنك

وتسلم يمناك

ولاهنت ولاهان راسك

دمت بود وتألق

تقبل مروري المتواضع

عسافه

[( حايره )]

الله الله

صايره محاوره من ورانا

عز الله أبدعتوا وأمتعتونا


بس ننتظر إعلامي منابع الأستاذ / حمد فرحان

عشان يطعينا الخبر اليقين عن ( الشاعر الخفي ) ههههههههه


أبو مفلح صح لسانك ولا هنت

وصح لسان الشاعر الخفي

[عبدالوهاب موسى]

حوارية ماتعة
فى فضاءات الإبداع الفسيحة مع تباشير
الصباح المشرق
دام إبداعكما
ولكما وللجميع ودى

[محمد الفرحان]

.

.

الاخت العزيزة

عسافة

كل الشكر لكِ على هذا الرد

وعلى تشريفي بحضورك

.

.

لاعدمت تواصلك وتقبلي فائق
تقديري واحترامي

[بروق السحايب]

محمد الفرحان

إبداع متبادل مع شاعرك المجهول

لكن ما شاء الله عليك

بجد ياااااااااااوسع صدرك

الحين تتساجل مع مبدع مجهول من خلال مسن واحد تعرفه

وساكت ما عملت تحرياتك من يكون ؟ :1577_1186768770[1]:

لو انا مدري وش كنت بأسوي حتى أعرف من هو اللي كان يكلمني هههههههههههههه


تسلم ويسلم المجهول :gf[1]:

وياليت حمد الفرحان ما يبطي علينا بالمرور

>>> ودها تعرف من هو المجهول هههههههههه

قمة الفضول النسائي خخخخخخخخخخخ

[فهد الدباسي]

و الله من الثقل ياحمد ؟؟


الجماعة قاعدين يتغزلون فيك و أنت ولا جايب خبر !!


حمد يستاهل و أنت يابو مفلح طول عمرك وفي و معرفتك مكسب


صح لسانك أنت و المجهول اللي كني عرفته


تحياتي

[قديم الشوق]

ابو مفلح

انت خطيررر

وحتى هالمجهوول خطيرر

واللي أخطر منكم ابو فرحان

اللي إلى الحين ماقبّـل

بصراحة سالفتك هذي فيها تحريض على إضافة ابو فرحان ماسنجر

حتى نقابل هالمجهول ونقلبها معه ردّية ( بتشديد الدال المكسورة )

بصراحة صبوحة حلوة

ألف شكر ابو مفلح

وتقبل فائق احترامي

[جنونة]

والله راقت لي أبيات القصيدة
والاسم فيها يابن فرحان

خلتني أقرا كل حرفٍ وأصيده
صيدة مخاوي يعرف بسر الأجفان

أعجبَتْني بكل حرفٍ رصيده
كل الغلا ولاهنت يامحمد الفرحان






تحياتي

عاد بكيفكم رايقة ع الصبح

ومو نايمة

إذا بتتحملوني والا لا بس قاعدة قاعدة:ura1[1]:

[محمد الفرحان]

.

.

الاخت العزيزة حايرة

الف شكر لك على هذا الحضور / التشريف

ولازلت بعد مرور هذه السنوات لااعرف من هو

هذا الشاعر الخفي / المبدع

.

.

تقبلي فائق تقديري واحترامي