ياصديق المصلحة

[سعيد النعيمي]

ياصديق المصلحة قـرب تعــال= كان مابه من قبل حد انصحـــك
استمع لي زين وافهم مايقــال= كثر هرجك بالقفـا وش ربحــــك
خلني باعطيك عن يوم السؤال= فكــرة ٍ تغنـم بهـــا وتربحــــــك
الكــذب والصدق ما فيها جـدال= ميزتيــن تكـــدرك وتفرحـــــك
والصديق اللي يعدك راس مـال= لو تضـره بالخطــا ما جرحـــك
وكل من يركض ورا قيل ٍ وقال= لا يغــرك بالحــكـي لا مدحــــــك
واعرف ان العمر تاليه الـزوال= فلاتضيع مابقـا به في الضحـــك
واسمع اللي يقول ياولد الحلال= نفسك ان شاخت عليك بتذبحــك
وكان تبغي الشور اوتبغي مثال= ابشـر بعلـم ٍ يجي لي مطرحــك
ف القناعة كنـز بعيون الرجـال= فخلها بمنهـج حيــاتك مطمحـك
والرغي والكــذب خلـه للجهـال= فأنت لي مثل الكتـاب اتصفحــك
طالبك وانصحك واسمع مايقال=قبـــل لاريح الكــــآبة تلفحـــــك
أحترس ياصــاح من شر المـآل= قبل رغبات الطمع بك تفضحك
وامسك عنان شهواتك لا تفــال= قبل لاحصان المعاصي يطرحك
قلتها والنصح ما قُـدر بمـــــال= والله يجـديك والله يصلحـــــــك

[طفلة القمر،،]

الشاعر الأستاذ سعيد..


صح لسانك ..وسلمت أناملك الذهبيه..
ومشاعر نابضة حيه ..


دمت بود

[قديم الشوق]

سعيد النعيمي

صح لسانك

قصيدة جزلة من شاعر جزل

شكرا ً لك من الأعماق

وتقبل فائق احترامي

[فهد الدباسي]

سعيد النعيمي

نصٌ جميل

و حضورٌ متميز كما اعتدنا منك


صح لسانك و لاهنت

تقبل تحياتي

[عسافه]

سعيد النعيمي

صح نبضك قصيده اكثر من رائعه

وتسلم يمناك

ولاهنت ولاهان راسك

تقبل مروري


عسافه

[سعود المسعد]

سعد النعيمي
صح لسانك قصيده تكتب بماء الذهب

وكان تبغي الشور اوتبغي مثال= ابشر بعلم ٍ يجي لي مطرحـك
ف القناعة كنز بعيون الرجال =فخلها بمنهج حياتك مطمحـك

لك ودي ومتابعتي

[محمد الرديني]

حضور راقي


ونص غارق بالجمال


ودي وتقديري

[محمد الفرحان]

.

.

شاعرنا

سعيد النعيمي

.

.

صح لسانك مدد بلاعدد

وسلمت وسلم نبضك واحساسك

على ماأتحفتنا به من رائع الحروف

وبديع القوافي . .

.

.

سجل متابعتي الدائمه . . .

.

.

تقبل فائق تقديري واحترامي