المهمل المنسي !!

[هلال بن مزعل العنزي]

عطش دامي أحسه والسفر مرهق=أبتنفس أبستجمع بعض أمسي
أبجيا شك وجدني بها المأزق=يقيني هزّه المجهول في رأسي
غروبك نور يقتاته جفا المشرق=تمرّد هاجسك وأهتزّ بي بأسي
سفر ترنيمة الهامس بلا منطق=عتب تلويحة الذابل على الممسي
لمحتك كبت بأسبابك غدى مطلق=وهمت بصمت جلساتي بعد همسي
دخيلك والأسى بالعاطفه أورق=وطفل الغربه آثرته على نفسي
كثير إكفوف زارتني قبل تغرق=وهزت جذع وجداني وجيت أرسي
أبادر كبريا حب ٍ وطعن أزرق=أعانقها وعاري حظها أكسي
أهمّش لذّة رقادي ولا تفرق=يهيم بضمّة الغيمة ضيا شمسي
ويوم اعتزت خلاني غديت أحمق=لقيت الوهم ينسج لي قلق حبسي
أنا يا صاح مريتك قبل تطرق=خفوقي يوم أشغلني بكم حدسي
أحس إيقاعك النّازف يبي يخنق=بقايا هامتي والوجد هو غرسي
إلا شفتك حزين أستصعبك وأرفق=لأنك في وناساتك سبب ونسي
وجيتك يوم أرهقني ضما" يحرق=كثر ما أدمنت ببحور الكِحِلْ غطسي
عدد ضيقة شراييني وظلم الحق=دبل ناس" فلا جتني على عرسي
أبي لي لو بعض فزعه أبسترزق=أبتشيخ مشاعر وامتطي كرسي
وش ذنوبي وباب العاطفه مغلق=وحلمي العاثر الخايف غدى عكسي
إذا منتب تواسيني وتتألق=وتنعش نكستي وتهين بي خرسي
ضروري تذكر لولفك وليف أوثق=مدام إني غديت المهمل المنسي

[هلال بن مزعل العنزي]

تصويب أخطاء البيت الثاني :

أبحيا شك وجداني بها المأزق=يقيني هزّه المجهول في رأسي

[ومضه]

:

:

.


صح لســـآنكـ على هالقصيده الطيبه وآلله لا هانـكـ ..

[هلال بن مزعل العنزي]

ومضة :

همسكم زاد غرور الفكر وخيلاء المحبرة !!

[محمد الرديني]

حضور راقي


ونص غارق بالجمال


ودي وتقديري

[هلال بن مزعل العنزي]

محمد الرديني :

لكم همسات الشعر ونبضاته !!

[رائد الزهراني]

غروبك نور يقتاته جفا المشـرق
تمرّد هاجسك وأهتزّ بـي بأسـي


صح كلك .. دمت مبدع

[هلال بن مزعل العنزي]

رائد الزهراني :

لك الود حتى ترضى !!

[قديم الشوق]

هلال العنزي

صح لسانك وانا اخوك

قصيدة راقية من شاعر جزل

شكرا ً لك وتقبل فائق احترامي

[هلال بن مزعل العنزي]

أشكر لكم هذا التواصل الذي أثار الحبر ، واستنطق الفكر !!

كل الود ،،،

( أبو صلاح )