رمضان من غيره!!

[العليا]

:

:

نبض لست أعلم أهو خارج القفص
الصدري أم بداخله !!
ولكنني أجده يسافر بي بعيدا ويعود
بي حيث الذكرى والحنين لمن سكن
الصدر وخطفه القبر ....
نبض الى روح أخي الطاهره رحمه الله وجعل الجنان مثواه..
أتمنى أن يجد بقلوبكم البيضاء حيزا...

الغالي اللي خذاه الموت وابعد به=أنشهد إن جمرته في جوفي هنيا
وانشهد إني لو تصبرت من بعده =اكذب على النفس واتظاهر وانا فيا
لواهب(ن) من فراقه حرقت عيني=تشوي جفوني وتكوي ناظري كيا
العام صام الشهر وعيوني تشوفه=واليوم صمت الشهر مااشوف له شيا
لاأذن آذان الفجر وإلا أذن المغرب=والتموا الكل في لحظه حواليا
ألمح مكانه معاهم بس من دونه=وأقوم عنهم واعاف الزاد والميا
له ذكريات(ن) تحاصر عيني وروحي=أشوف زوله حقيقه مدري اتهيا
سجادتي شاهده لا جيت أبصلي=كم مرة(ن) من دموعي أشتكت ليا
زوله وصوته وضحكة وجهه الطاهر=ياني لهم مت من شوقي وانا اتريا
كل يوم يمضي أمني نفسي بغيره=واقول بكرى بيرجع واشبك ايديا
من خلف راسه واضمه لين مادمعي=يبل ثوبه وهو يقول يا خيا
وش فيك تبكين ياعليا وانا عندك=ماعاش من هو يبكي عين غاليا
واقول ياعيو ن عليا طول غيابك=واختك ذبحها الحنين وزادها عيا
أشتقت لك حيل ياشمعة هل الدنيا=وعجزت اصبر دموعي والوله فيا
أشتقت لك ياخلف حيي وحياني=والجمر غصب يتحدر فوق خديا
أشتقت لك ياأبوي وعمي وخالي=أشتقت لك ياضيا قلبي وعينيا
وافيق من هاجسي واثري مع نفسي=كنت اتخيل خيال الغالي هنيا
ولاعندي إلا رسايل منه مع صوره=في ذاكرة هاتفي محفوظه وفيا
وأيقن بأنه رحل ولاعاد به شوفه=يم داره اللي عساها دار عليا
طواه حبل الكفن وأبعدبه وشاله=في حفرة(ن) من نزلها مارجع حيا
وطواني الحزن بعده وأتلف عروقي=كني خصيمت زماني والحزن ديا
يارب يااللي خذيته أحسن جواره=وأغفر ذنوبه وأصفح كان له سيا
ويارب عنه تجاوز واغسله ياالله=بالثلج والما وعفوا باردا فيا
ويارب حرم جسد خيي على نارك=ووسع له القبر واجعل ظلمته ضيا
ويارب عوض شبابه عندك ومنك=وارزق ظنيني ملاقى كل حوريا
ويارب تجعل مكانه جنة(ن) خضرا=روضه وتروي ثراه من المطر ريا
ويارب تخلف علي بصبر من عندك=وتجبر كسر خاطري يارب ياحيا.

تقديري للجميع

[احمد المشيقح]

اللهم اغفرله وارحمه وقدس روحه بلجنة يا أرحم الراحمين

أختــي العليا مابقى للحزن شي مستحيل



الغالي اللي خذاه الموت وابعـد بـه
أنشهد إن جمرته فـي جوفـي هنيـا
وانشهد إني لو تصبرت مـن بعـده
اكذب على النفس واتظاهر وانا فيـا



نص متهوج من الابداع والشاعريه ونص رثاء يمزجه الحزن النابع من الأخوه فألى جنان الخلد . . . .

وتقبلي مروري

اخوك احمد المشيقح

[( حايره )]

اللهم أرحم موتانا وموتى المؤمنين والمؤمنات

يطوينا الحزن ... تهل الدموع

لكن تبقى الذكرى هي الرابط الجميل

بيننا وبين كل الأحباب الذين غادروا حياتنا

الأحباب الذين رحلوا وأخذوا قلوبنا معهم


رحم الله الجميع


العليا

أختلطت الحروف بالدموع

ألف تحية لنبضك

[قديم الشوق]

الغالية / العليا

رحم الله فقيدكم وغفر له وتجاوز عنه

وأسكنه فسيح جناته

وغفر الله لوالدي ولجميع موتى المسلمين

قصيدة كتبت بألم

وخُطت بمعاناة

ونظمت بشاعرية متناهية

رحم الله فقيدكم آمين يارب العالمين

ورزقكم الله الصبر والسلوان

وتقبلي فائق احترامي وصادق مواساتي