زامـــــر الحـَـــــيّ !!

[فايز آل بذال]

السلام عليكم


تحية لكم جميعاً000

تعال عطني من بعض وقتك شوَيّ=كثر الجفا بانت بوجهي مواريه
لاوين تمشي لك على النار رجلَيّ =لا الدرب يعفيني ولا القاك واعفيه
الشمس لو يجهل سنا ضيّها الفَيّ=ماشفت ظل ٍ واهج الشمس يطويه
الشمس لو تبخل على الليل بالضَيّ=ما شفت ليله للقمر نور يضويه
خلّيتني كني معك فاقد الشَيّ=ياكيف قلّي فاقد الشي يعطيه
ماعاد يطرب حيّكم زامر الحَيّ=ماعاد اشوف انّه تثيرك معانيه
أجيك كنّي قابض النار بيدَيّ=واللقاك برد ٍ من سكن فيه ينهيه
أطرد سرابك واحسبه صافي المَيّ=ضامي غرامك مالقى منك يكفيه
بُعدك طوى ياغايتي خاطري طَيّ=ارحم خفوق ٍ لاهب الشوق مضنيه
تعبت اداوي خافق ٍ منكّوي كَيّ=لا جيت ابخفي سره اللتاع وابديه
وين الطريق اللي لك يجيبني / وأيّ=درب ٍ يودي لك على الشوك بمشيه
إن كان وصلك غي فــ /انا عاشق الغَيّ=أحبْ غيّـك واعشقه واهتني فيه

وسلامتكم

[قديم الشوق]

شاعرنا القدير / فايز البذال

صح لسانك وأنا أخوك على هذه القصيدة المترفة

قصيدة أكثر من رائعة من شاعر متميز ومبدع

شكرا ً لك من الأعماق

وتقبل فائق احترامي

أخوك / قديم الشوق

[علي عبدالرحمن الأسمري]

صح لسانك ياغالي
وتسلم لي يمناك
سبق وان قراتهالكن حضوري لتاكيد الاعجاب بها
دمت بود

[( حايره )]

.
تعال عطني من بعض وقتـك شـوَيّ
كثر الجفـا بانـت بوجهـي مواريـه
.
هل طلب المستحيل ؟ ام لعله طلب شيء من عجائب الدنيا السبع !!
لم يطلب سوى ( بعضاً ) من الوقت
لم يطلب سوى رحمة الطرف الآخر
لم يطلب سوى إبعاد شبح ( الجفا )
وهذه مطالب كل العشاق


.
خلّيتنـي كنـي معـك فاقـد الـشَـيّ
ياكيـف قلّـي فاقـد الشـي يعطيـه
.
أصعب شعور أن ترافق من تُحب وتكون بقربه
لكنه معك جسداً دون روح .. دون شعور وإحساس
لتشعر بأنك أنت من فقد شعور الحب .. أنت من أصبح دون إحساس


.
أطرد سرابك واحسبه صافـي المَـيّ
ضامي غرامك مالقـى منـك يكفيـه
.
إلى متى ونحن نلهث خلف السراب ؟
إلى متى نطلب الغرام ممن يفتقده ؟
إلى متى نقتل قلوبنا ونوصلها إلى مهالك العطش والضمأ ؟




شاعرنا

قصيدة جميله من بداية حروف العشق

إلى نهاية حروف العطش والشوق

ألف ألف صح لسانك

ولا هنت

[عبدالعزيز الرقابي]

الله الله على الأبداع والروعه والأتقان والتمكن
حقيقة ً بحثت عن بيت شاهق أقتبسه لم أجد .. لماذا .. لأنها قصيده شاهقه بكل مافيها

فايز آل بذال .. أدهشتني
صح لسانك وأعتلا شانك
إعجابي

[محمد الضرير]

تعال عطني من بعض وقتـك شـوَيّ
.........................كثر الجفـا بانـت بوجهـي مواريـه

الشاعر الرائـــع فايـز البـذال
أبدعت وأمتعت لا فـضّ فـوك ، قصيــدة موغلة في الجمـال
البيت أعـلاه قصيـــدة لوحــده ، صـح لسـانك وعـلا شـانك
تقبّـل مـروري وإعجـابي بمـا قــرأت 0
لك شكري وتقديري وأجمـل تحيـــــــــة 0



محمد الضرير

[فايز آل بذال]

صح بدنك يا قديم الشوق


شرفني مرورك النور


تحياتي

[فايز آل بذال]

العزيز علي

صح بدنك وانت تشر6فني زيارتك بكل وقت ومكان

لاعدمتك

[شعلة الألماس]

الشمس لو تبخل على الليـل بالضَـيّ
ما شفت ليله للقمـر نـور يضويـه
خلّيتنـي كنـي معـك فاقـد الـشَـيّ
ياكيـف قلّـي فاقـد الشـي يعطيـه


سلمت يا شاعر الهيل

ابيات جميله جدا

[نووود]

قصيدتك تتكلم عن نفسها وواللة عاجباني اوي اوي 00000الاخت تحسب نفسها مصرية
ع العمووم الى مزيد من التالق


وخيتك نودي