مطلوب مساعده:قصيدة متقنة السبك اتمنى معرفه الشاعر

[شرقاوي نجد]

السلام عليكم ورحمه الله


و صلني بالاميل قصيدة لا تملك الا ان تعجب بها

و لكن للاسف لا اعرف الشاعر










الروح ملكك !! وانـت ابوهـا وسَمّهـا***الخـال والـد لا عَمَـتْ عيـن عمّهـا

الروح ملكك !! وانا وش عاد في يدي ؟***بيـدك تشتتـهـا / وبـيـدك تلمّـهـا

الروح ملكـك !! لا تزيـد العَنـا عَنَـا***ولا غيرك أحْد(ن) نسهج الرجـل يمهـا

الروح ملك !! أيه ملكـك .. وْلا علـي***بيّـاع نـص الكـم / نوْفيـه كمّـهـا

واللي فلق صبحك نهـار التقيـت بـك***أزرت ظلوعي مـا لقـت مـن يزمهـا

خذنـي علـى غِـرَّة لصـدرك وهزّنـي***صح العروق اللـي ذوت فـي مسمّهـا

اليا استـوت مـا بيـن نَحْـرِك ولِبَّتـك***من مَجْمَـع الشريـان يالتـرف ضمّهـا

قلبـي علـى لامـاك تصْـرَخ خلايبـه***صَرْخ المحال اللـي علـى راس جمّهـا

لا تلّـه اللـي ناحـلات(ن) خدايـمـه***يبحـث خفـا روح(ن) تزايـد بهمّـهـا

يا خامر السرجوف / يا ظامـر الحشـا***وجدي علـى ضافـي قرونـك واشمّهـا

يا خامـر السرجـوف ذابـت مدامعـي***عيني بكـت لمـا صفـى نـص دمّهـا

يا خامر السرجـوف وش حيلـة الـذي***بعيـد دار ؟ وشرهتـه مــا يتمّـهـا

يا خامـر السرجـوف حبـك بمهجتـي***مـا شابتـه سـود اليالـي بسُمّـهـا

يا خامر السرجـوف م/ انْظـر لعاذلـي***واهـل الحكـاوي مـا حسبنـا لذمّهـا

متى علـى الله تبـرد الـروح ضمتـك***وصخيّـف عظامـي وصالـك يرّمـهـا

انا فد(ن) لك / غصب / بالطيب / ما يهم****لا صرت ملكك !! فانت ابوهـا وسمّهـا










اكون شاكرا اذا افادني احدكم عن شاعرها من يكون .

[رزان الدوسري]

صح لسانك


شرقاوي نجد


وسلمت وسلم نقلك






والقصيدة لشاعر / بدر الدخيل

[شرقاوي نجد]

الاخت الشاعره رزان ...الشكر الجزيل و الامتنان الوفير لك للتفضل بالافاده و صح لسان الشاعر الدخيل . هل هو سعودي ام خليجي ؟ هل هو شاعر موجود على الساحه الان او من جيل ما قبل الاعلام ؟و اتمنى ان احظى بالمزيد من قصائده و معلومات عنه فالقصيده تستحق متابعه الشاعر الذي سبكها و اتمنى ان استزيد من قصائده .. اكرر الشكر لك اختي الشاعره

[رزان الدوسري]

نعم هو شاعر سعودي وموجود فى احدى المنتديات السعودية وله قصائد لها ثقلها وسوف ادعوة الى هذا المنتدى

[شرقاوي نجد]

الاخت الشاعره رزان الدوسري.... فعلا ان نتشرف به عن قرب شي جميل