احطب له ضلوعي

[عبدالله العبدلي]

الصاحب اللي وعدني ... وقفا
وانا مالي معه غير ... الوفا
يمكن يجي يدور له ... دفا
واحطب له ضلوعي

انتظر لوقت الشروق
واحترق وله وشوق
وبان بخافقي حروق
احطب له ضلوعي

وابهر دلاله
وانتظر مرساله
وماني بساله
احطب له ضلوعي

افكر كيف ... القاه
واقدع حلو ... ذكراه
واشرب مر ... فرقاه
واحطب له ضلوعي

ليته يشوف الصدر ... كيف صار
من بعد ماقطعته ... بالمنشار
علشان اكتبه ... تذكــار
احطب له ضلوعي


دمتم بود
عبدالله العبدلي

[إبن الألم]

سلمت يالعبدلي وصح لسانك

وأبيات جزلة وقصيدة رائعة

وحرام عليك ماتتحفنا بقصايدك

ننتظرك.

[أنثى الحرير]

احتطاب من غابة الحنين والشوق..

كنت مبدعٌ عبد الله.

تقبلني هنا

[ابوهجر]

شدعوة يا عبدالله كل هذا وفا

الصاحب اللي وعدك و ما وفا

ليش تبكي و تنتحب لمن اختفى

حرام تضيع عمرك عليه و تعتبا

شوف لك صاحب صادق و ما جفا

يمكن تجد و ان كنت اشك بالدنيا

ما بها خل وقت الحاجة ما يفا


شكرا اخي عبدالله مبدع في نصك

[عبدالله العبدلي]

اقتباس:المشاركة الأصلية كتبت بواسطة إبن الألم سلمت يالعبدلي وصح لسانك

وأبيات جزلة وقصيدة رائعة

وحرام عليك ماتتحفنا بقصايدك


ننتظرك.




هلابك اخوي إبن الألم

اتمنى كل مااكتبه يرتقي لمستوى ذائقتك

دمت بودعبدالله العبدلي