===== سلطان ألأمجاد =====

[عبدالله بن راجس]

الكل يترقب وبلهفه عودة سيدي والي العهد بالسلامه إلى ارض الوطن وهوا في اتم الصحه والعافيه وهاذي ترحيبيه بقدومه ان شأالله عن قريب
حبيت ان تكون بين ايديكم قبل اي وسيلة اعلام أخر

لابأس ياسلطان ألأمجاد لابأس =كلن تمنى عودتك بالسلامة
ياعالي القامة وياعالي الراس =نقول بإذن الله تزول الغمامة
لعل لك من كل الاقدار حراس=ياسيفنا الساطي شديد الصرامة
دام المواقف تملك الناس للناس=مواقفك تبقى ليوم القيامة
محيط جودك مغرقا كل غطاس=وللي أامر من حج يلبس حرامه
انك على اهل الجود بالجود نبراس= انت الاساس ومنك يلبس وسامة
شعبك على اخبارك ملهف وحساس=ومن يمك الطرقي يفز بعلامة
على الهواء ماهوب حبرِ وقرطاس =تصريح نايف من مقر الإقامة
يابن الزعيم اللي على قب الافراس=مبداه نور الحق يجلي ظلامه
قايد مسيرة شعب ماهوب عساس=يرفع عمود الدين والخير امامه
واللي وقف قدمه على الدرب ينداس=سيلاِ من المنشى يشق العدامة
عقدِا من اللؤلؤ وعقدِا من الماس =وحقِ لكم منا الولاء في تمامه
لاكشرت شهب المنايا بالاضراس=ناقف مثل ميقاف يوم الرغامة
في موقفِ يذهل والارياق يباس=نعتز بالقايد وحنا حزامه
ومن يدعي الله مايرده بالافلاس=وشعبك معك يثبت دعاه التحامه
ماصار في حبك به أرباع واسداس=يعلى شموخ المجد باعلى سنامة

[عبدالله بن فهد]

صح الله لسانك يا بو عبدالهادي شاعر ومن سلالة شعار .
الله يحغظ ولي العهد ويرجعه بالسلامه

[لون الثلج]

:

الله يرحعه بالسلامه ويقووم بالسلامه

صح لساااانك على هالقصيده

إح ــترامي لك


}

[قديم الشوق]

ارحب والله يا ابو عبدالهادي

وصح لسانك يالقرم

قصيدة شامخة في رجل شامخ من شاعر مبدع

ويستاهل ابو خالد هالقصيدة

الله يعافيه ويشفيه ويحفظه ويرده لنا بالسلامة

عز الله إنك ماقصرت ياعبدالله

وعز الله إنك مبدع في كل حالاتك

ولنا الشرف أن تحط ركاب قصيدتك الباسقة هنا في منابع قبل غيرها

وسنحفظ لك هذا الجميل حتما ً

دمت بود ياغالي

ولاتقطعنا من جميل تواصلك

والله يرحم شايبك الشاعر العلم / عبدالهادي بن راجس , ويرحم والدي وجميع موتى المسلمين

ويسكنهم فسيح جناته

وتقبل فاااائق تقديري واحترامي