كلمه= بيت شعر !!

[عناوين الدمـوع]

السلام عليكم أعضاء منتدانا الغالي
جايبه لكم لعبه أتمنى تعجبكم وما تكون مكرره...
اللعبه عباره عن كلمه يجيبها العضو الأول والعضو الثاني يجيب بيت شعر سواء من نظمه أو من نظم غيره
بشرط يحتوي على الكلمه التي اختارها العضو اللي قبله.ومو شرط تكون الكلمه في بداية او نهاية البيت..
وبعدين يرجع العضو الثاني بعد مايكتب بيت الشعر ويختار كلمه ... وهكذا وانا راح أبدأ واتمنى اشوف تفاعل
يحرك المنتدى شوي...
أختار كلمة ( عتاب ) ....
جيتك وأدري داخلك لوم وعتاب ........ ما ابيك تسأل وين حضرة جنابي !!
أطيب الأماني أتمناها لكم ... أيها المنابعيون..:gf[1]::gf[1]::gf[1]:

[قتيل امرأه]

عتابك حلو يامحلا العتاب
ونارك جنتي ماهي عذاب

ولو منك عتب جاني سعيد الحظ تلقاني
نعم مهما جراء منك ومهما القلب ذاب


عتابك حلو يامحلا العتاب
ونارك جنتي ماهي عذاب
ولو منك عتب جاني سعيد الحظ تلقاني
نعم مهما جراء منك ومهما القلب ذاب
عتابك حلو يامحلا العتاب


دليل الحب بكلمة عتب منك . .
عتب منك وفية بسمة ونظرة حب
بهمسة عتب منك . .
على كلمه ومن عاتبك ماينساك
لا والله ما ينساك
و لاظنيت تنساني وشانك فى الهوى شاني
انا سلمت لك امري لاني فيك حاب


عتابك حلو يامحلا العتاب
ونارك جنتي ماهي عذاب
ولو منك عتب جاني سعيد الحظ تلقاني
نعم مهما جراء منك ومهما القلب ذاب
عتابك حلو يامحلا العتاب

[عناوين الدمـوع]

يسلم الحضور وراعيه ياقتيل... أسعدني تفاعلك مع اللعبه...


وباقي الأعضاء ماني شايفتهم>>> خير ان شاء لايكون بس ماهي عاجبتهم!!


قولوا لا تستحون>>> بتتسلى ذي ولا بتتضارب؟!!


انتظر تفاعلكم... وهذا بيت على كلمة( حي)...
دنيا رديه مابها حي ماخان.... حتى التراب اللي عشقته دفني

[عناوين الدمـوع]

تسلم قتيل... نورت الحته بوجودك...


بس ما اخترت كلمه.. يلا انا بختار كلمة .. الغايب..

لامنه لفى الغايب يقولون العرب وش جاب....وانا اللي جيت شايل لك خفوق يشتكي نوحه

[سمــآهر]

هلا عناوين توني اشوف مشاركتك

ما سويتي اعلان ... يسلمو مشاركة روووعه

يالله نبدأ


الغايب اللي غيابه زاد عن حـــــــــده
ليتـه درابـي غيـــــــــابـه ويـن ودّانـي
خلاني آهيــــــــــم من فرقاه 00 واوده
وصحرا الظما من ظمايه تعقد لساني


ابي كلمة ( إحساس )

[عناوين الدمـوع]

منوره سمسم...

عجزت أحد إحساسي وألم شتاته المنثور......... وارسم بالحروف شعور بات سنين مزعجني

شعور قاسي طبعه وانا في قسوته مأسور......... مثل طعم القهر واكثر بضيمه حيل خانقني

أختار كلمة ( تايه )...

[قديم الشوق]

هلا بـ عناوين الدموع

هلا بالجميع

لـ قديم الشوق :

تايه ولا ادري وين وداني الشوق
......... علمي بنفسي يومني بصف سادس :)

الكلمة ( فراق )

[كبرياء البوح]

على فرقاك أنا باقي

ولا غيّر هواك إحساس

حاولت أنساك بفراقي

ولقيت إني نسيت الناس.

الكلمه((ابتسم))

يسلموو عناوين

[عناوين الدمـوع]

حيالله ابو نواف نورت الصفحه بوجودك

تسلم يمينك على البيت الراااااااااااااااااااائع....

كبرياء البوح يسابقني قلبي يهلي بك يالغلا...

( ابتسم ):

من يلوم اللي تولع لاشكى علقم هــواه
__________الجفا مر مذاقه والخلــي المســتريح

ياحبيبي ياحبيبي واختصـار الحب آآآآآه
__________قلتها باول هوانا وكانت لقلبي ضــريح

ماهقيت ولادريت بآخر الدرب وعــناه
__________ولاتخيلت المنايا غير روحــي تستبيح

كنت اظن الموت واحد واثره يهون بشقاه
________عند موت اللي حضنته في عيونك لو يطـيح

أبتسم لك من عذابي وارجم الهم بحصاه
________ماتشوف الطير يرقص من بلاويه ويصـيح

ماتخيّل لو تخيّل كيف تصبـــح هالحياه
________لو تفارقنـــــي دقيقه أنتهي مثل الذبيح

كيف ابقوى كيف ابسلا ياسبب جرحي ودواه
________بالخفا ألفين ونه وبالصــــدر مثل الفحيح

قلت أبصبر عن عيونك قلتها بس وين يااااه
__________ماعلى الملتاع شرهه لاحكى يومه جريح

لــــي رجا يانور عيني ولاترده ياعزاه
__________ودي بنظره وعلّك عقبها دايم شحـــيح


.................................................. ...................

أعتذر عن طول الأبيات/ لكن جبرني المعنى على نقلها كامله ....

كلمة ( موزون )...

[نجديه]

الله يسامحك ياعناوين تحويلت عيوني وانااااااااا ادورررررررر

بس ماعليه تستاهلين :)


كتبت اشــــعار منثورة ولا بيتٍ بها مــوزون
ولا به بيـــت يجمعني ويجمـــع باقي اشتاتي

من اوّل بيت بس ابكي واطالب فالهوى قانون
يحاكمني وانا ظالــــم ويختــــم باقي ابيــــاتي


......... الكلمه ... الوله ...