قصيده عن غدر الأصدقاء

[ابو مهند]

قصيده عن غدر الأصدقاء

ياخوي ياكثر الهواجيس بالبال
...................... ياليت بفراق الهواجيس ساعه
ينساح بال من همومي وولوال
...................... متصدعه راسي وزايده صداعه
ضاع عقلي من كثر ماشفت من اهوال
...................... وضاق صدري بالفضا بـ اتساعه
اصحابي استهزؤا على عقلي ابمال
...................... سهيت وكانت الأوامر مطاعه
اصحابي ما انفعوني بضيقة الحال
...................... جيتهم .. وقالوا مافينا استطاعه
اخذوا مطالبهم بخسة انذال
...................... جوني بمكرهم طالبين الوداعه
متعشمين بكلمة ردا مني تنقال
...................... لكني اكبر من خبثهم واتباعه
الكلام ماهو قول لكنه افعال
...................... وبكلمني عزتي وكفايه اني شجاعه
ماعمر الحياه احكمتني انا اللي احكمها بحبال
...................... ولا بدنيتي تشرق الشمس لين ارسم شعاعه
كم انسان نـــال غايات الآمال
...................... وكم جزوع اكسرتـه الجــزاعه
((اما انا ما كسرني غير صحبة الأهبال ))
...................... ماكسرني غير نفاق المشاعر بصدق اجتماعه
الصداقه ماهي كلمه نقولها بزوال
...................... الصداقه مشاعر مستمره دون انقطاعه
الصحبه ماهي منفعه او لعب جهال
...................... الصحبه عزوه بالشدايد بوقت الشناعه
ياخوي بهالزمن صرنا بغابه كلها أشبال
...................... ماتعرف عدوك من صديقك وشنهي طباعه
العدو لو طاح حيلك عمره ماشال
...................... والصديق ماعاد يثنيلك لو طويله ذراعه
خاب ظني بـ أصحابي يوم اقول فيهم امثال
...................... ماكنت احسب انهم بدرب الغدر والصياعه
كنت احسب انهم صحبتي لكنهم عذال
...................... كنت اقابلهم بوجه سموح وبوجيههم الخداعه
اجتماعهم بالنميمه والقيل والقال
...................... وبـ علوم الفضايح يستلذون استماعه
اصحابي لو فيهم خير وطيبين الأعمال
...................... ماكان كشفلي خبثهم راعي الشفاعه
اصحابنا هالوقت ياخيبة الفال
...................... يلعبون بحسبتك ويرمونك بأسفل القاعه
ياخوي لو في صاحب وافي بهالزمن ومازال ؟
...................... اضحك بوحه الزمن واغسل اشراعه
وإيـاك يغشي الهم بالك لا جاك مرسال
...................... يعلمك عن غدر الصاحب ورباعه
خلك مثل الجبل لا يهزك لاريح ولا تنحال
...................... ولا يجرك جزر البحر ولا مد صاعه
ارخص الغالي لروحك ولا تعيش بـذال
...................... كله لشان عزتك والعلا وارتفاعه
ياخوي ما وصيك عز النفس بكل الأحوال
...................... كله ولا غنا النفس وكنز القناعه
شفت الوقت كيف راح هالوقت مافيه اعدال
...................... ضاع الكلام وانطفى النور وشعاعه
الله من كثر الهواجيس بالبال
...................... ياليت ياليت بفراق الهواجيس ساعه




منقول

[شـجن]

ياسلام عليك يابو مهند لله درك

شلال يتدفق غزارة بأعذب المعاني الصادقه

{حضرت هنا وأعجبنى النص

وبقيت لااسجل حضوري }~

[محمد الضرير]

أبو مهنـــد


حيّــاك الله يالغــالي ، ومنقــولك جميــل لولا افتقـــاره للــوزن
شـكــ وبارك الله فيك ـــرا لك ... لك مني أجمل تحية .



محمد الضرير

[ابو مهند]

شجن مشكوره على مرورك على متصفحي 0 يعطيك ربي العاااااااااااااااااااافيه0

[لون الثلج]

/:

ابومهند

الصراحه اختيار قصيده معبره وراائعه ..

يعطيك العافيــه

لاتحرمنا من اختياراتك ..

.

[عسافه]

...................... جيتهم .. وقالوا مافينا استطاعه
اخذوا مطالبهم بخسة انذال
...................... جوني بمكرهم طالبين الوداعه
متعشمين بكلمة ردا مني تنقال
...................... لكني اكبر من خبثهم واتباعه
الكلام ماهو قول لكنه افعال



ابو مهند

صح احساسك اختيار مميز وصح لسان شاعرها


يعطيك العافيه

لك كل التقديري

[ايام زمان]

أخي ابو مهند.........
من يغدر ليس بصديق.........

لكننا نحن نعتقد ان كل من كان يتسم باللين وعذوبه الكلمه هو صديق.......