الجروح من القرايب والخطاء مني وفيني

[ابو مهند]

الجروح من القرايب والخطا مني وفيني

آآهـ يا كبر القهر لا صار ما باليد حيله..
والجروح من(( القــرايب)) والخطا مني وفيني!!


ان نويت اشفي غليلي ما لقيت اية وسـيلهـ ..
كيف ابلقى دام جرحــي سبته طعنه يميني؟!


وان نوت تبكي عيوني صارت(( الدمعــهـ )) بخيله!!
كبرها لامن تجمـــع هم قلبـــي وهم عيــني..


ياهمـــوماً بي تعدت حدهـا صارت ثقيلــهـ ..
اخذي مني كم ســؤال ولو سمــحتي جاوبيني..


ليه من بعد ((الوفـــا والطيــب)) وفعولاً جليلهـ ..
من يدين اللي حشمتهـ اول طعـــوني تجيني؟؟


وليه لاضاق الفضــا في عيــن من خانه دخيلهـ ..
مالقيت الا ((المــلامهـ)) انتهيها وتبديني؟!


ياهمومي ياجــروحي يا صدى الروح العليلهـ ..
والله ان الـــظــلم قهره قيّد لسانـــي ويديني!!



يوم قيل ناظر حسودك زاد في قوله وقيلهـ ..
ما طــرالي غير قولت آآآخ يا دنيــا ارحميني..


ان تكلمت وحـــكيت وجبت برهاني ودليلهـ ..
ما تضــرر كود منهو قد لفانــي منتخيني!!



وان سكــت وقلت هانــت هــم وسنيني تزيلهـ ..
اكتشفت ان ((السنين)) تزول والهم محتويني!!



بس لجــل اللي انتخى في جد جــدي والقبيلهـ ..
والله اني لاشــرب المــر واتحــمل ما يجيني..


ودام ما بالكــون ((صــدراً)) ارتمي به واشتكــيلهـ ..
ودام مابــه عين تقـــرى حزني اللي مبتليني!!


ما لي الا بيت شـــعراً اذكــره في كل ليلهـ ..
لا انتهى جـــدال المعاتــب بين قلبي وبين عيني..

[رنا]

الله عليـك

تسلم ابو مهند طرح في قمة الروعة ..!

احترامي ّ!

[سحابة عطر]

جميله كلماتك اخوي بومهند
تسلم يمناك

دمت بود
سحابة عطر

[قديم الشوق]

ابو مهند

صح لسانك ياغالي

أبيات عذبة وقصيدة فارهة

شكرا ً لك من الأعماق

لكن لدي سؤال

هل القصيدة من مقولك أم من منقولك ؟

وتقبل فائق تقديري واحترامي

[ابو مهند]

مديرنا الغالي - شكر ا على مرورك على صفحتي 0

القصيده / منقوله ولكني لم اذكر النقل في اسفل القصيده 0 وتقبل تحياتي

[بقايا روح]

أبا مهند
يا أبو مهند
ما أعذبك والله
أصدق الشعر وأعذبه من يلامس شغاف القلب بلا تكلف
هكذا كنت
قريب من القلب ومن الجرح وأقرب من القرايب
لله درك شاعر متمكن ولا جدال .

اختك

بقايا روح