مشاركتي في مسابقة المرقاب سلامة سلطان الكبرى

[عبدالله بن فهد]

1-للموقف السامي خذا الفكـر مـالاق

يختـار مـن جـزل المعانـي دررهـا

2 في قالب الابـداع تجمـع وتنسـاق

تسمـو معانيهـا ويسـمـع خبـرهـا

3 الدار تسكـن بالضمائـر والاحـداق

بحفـظ الولـي مافيـه حـيٍ غـدرهـا

4 مصيونـةٍ ماباقهـا كــل بــواق

ترجـى حسانيهـا ويــدرا خطـرهـا

5 ياخـادم البيتيـن للعـهـد ميـثـاق

طاعتـك خــلاق البـرايـا ذكـرهـا

6 الشعب يزهـو بالامانـي والاشـواق

فـي شوفـة اللـي جيتـه ننتظـرهـا

7 سلطان حبك بالمشاعـر والاعمـاق

اقلـوب شعبـك فيـض حبـك غمرهـا

8 المملكة في جيتـك تشـرق اشـراق

وستبشروبـك بدوهـا مـع حضـرهـا

9 ياكاتب التاريخ فـي بيـض الاوراق

سجـل فخـر مـن برهـا لابحـرهـا

10 سلطان سلطان الوفا زاك الاعـراق

عدى على اهل الطيب بالطيـب وأرهـا

11 ابوالكـرم والجـود للخيـر سبـاق

لـه مـدةٍ تجـنـا كـرايـم ثمـرهـا

12 مدات جـوده بالنواحـي والافـاق

كم ديـرةٍ مـن فيـض جـوده عمرهـا

13 غيثٍ نثر وبله على القاع ونسـاق

واصبـح بساتينـاً تطـارد اخضـرهـا

14 ياما عطا من معسر(ن) وانفق انفاق

وعلـى العطـا نفسـه وليـه فطرهـا

15 يمناك ياراع العطا تغـدق اغـداق

عنـد اليتـامـا والارامــل خبـرهـا

[لون الثلج]

.


صح لسانك ميلاييين والله يشفي كل مسلم يارب


يعطيك العافيه ..

إح ــترامي لك.

.

[عبدالله بن فهد]

المشاركة الأصلية كتبت بواسطة لون الثلج

.


صح لسانك ميلاييين والله يشفي كل مسلم يارب


يعطيك العافيه ..

إح ــترامي لك.

.

تسلمين على المرور والتعليق الطيب لاهنتي

[قديم الشوق]

صح لسانك يا ابوفهد

قصيدة جزلة ومليانة وتستاهل المراكز المتقدمة

والله يشفي أميرنا المحبوب / سلطان بن عبدالعزيز ويعيده لأرض الوطن سالما ً من كل مكروه

أتمنى لك التوفيق من كل قلبي

وتقبل فااائق تقديري واحترامي