ماقلت " احبك " ولا قد قلت " ماأحبك "

[عسافه]

ماقلت " احبك " ولا قد قلت " ماأحبك "
احب مالي عيوني " وانت تسواها "

لوتدري وش كثر تعنيلي تعرف انك
آخر أمل في حياتي وأول منــــاها

ياكثر احس ان بك منــي وبي منك
روح قسمها على شخصيــن مولاها

لاتقول شتحب فيني " أعشقك كلك "
من ليل شعرك لشمسك واخر اقصاها

سميتني نصفك الثاني وياشحك ...!!!
أنـا بسميك " كلــي وأنــت معنـاها "

تعبت اوديـــــك له يــاقلب ويـردك
لااخذ حلومي ولا خلاني انساها

كل الحمام استراح وناح في ظلك
والورد الأصفر سقته الروح من ماها

ليتك بعمري ثلاث اشخاص ماملك
واحد معي دوم و واحد روحي يـملاها

والثـالث " بجفن عينــي " لا فقد حسك
او غمض الجفن جاني فيــك يتباهى

مو بس احبك انا والله من احبــــك
" احب حتـــى ثرى الله اللي تاطاها

طلال الرشيــــــد ..رحمه الله..

[سحابة عطر]

قصيده جميله
رحم الله كاتبها
وتسلم يد انقلتها

دمتي بحفظ الرحمن عسوفه
سحابة عطر

[مراجن]

ياكثر احس ان بك منــي وبي منك
روح قسمها على شخصيــن مولاها

لاتقول شتحب فيني " أعشقك كلك "
من ليل شعرك لشمسك واخر اقصاها

سميتني نصفك الثاني وياشحك ...!!!
أنـا بسميك " كلــي وأنــت معنـاها "



كل بيت أجمل من البيت الثاني

رحمكـ الله يا طلال الرشيد وأسكنكـ فسيح جناته

عسافة

سلمت الأنامل على الطرح الراقي

تقبلي مروري غاليتي ...

[عسافه]

سحابة عطر

اشكر على روعه المرور والله يسلمك
كل التقدير والاحترام

[عسافه]

مراجن


الله يسلمك يالغلا


والف شكر على روعه الحضور

[أوراق الماضي]

سميتني نصفك الثاني وياشحك ...!!!
أنـا بسميك " كلــي وأنــت معنـاها "


رائعة ..رائعة ..
عسافة لاعدمنا راقي أختيارك العذب ..
دمتي بكل الحب ..

[راعي محل]

صح لسانك ياعسافه

ولسان المبدع طلال الرشيد رحمه الله

ولك تحياتي

[عسافه]

قناديل شرقية


الراااائع هو حضورك القيم تسلمين

ماننحرام يارب من هذا الجمال

تقديري ووردي

[عسافه]

راعي محل


صح بدنك أخوي و الف شكر على التشريف ودام ودمت

كل التقدير والاحترام

[صالح البحيح]

الله يرحمه طلال الرشيد ويرحم جميع اموات المسلمين كان شاعر بمعنى الكلمه

في كلماته يداعب الاحاسيس ويأتي بما يحتاجه القلب

اساذتنا القديره عسافه
مشكوره على هذا النقل الجميل ويعطيك العافيه