اللي نوى العرس من برا السعوديّه

[عسافه]

اللي نوى العرس مـن بـرا السعوديّـه

لا تعتجل يمكـن الصفقـات خسراآآنـه

يتعبك مشوارهـا روحـات مـع جيّـه

لازم اجـازه اذا بتـشـوف شيبـاآآنـه

دور وتلقـى هنـا بنـت(ن) سنافـيّـه

تعجبك في شكلهـا وإتـذوب بأعياآآنـه

في داخـل البيـت مستـوره ومخفيّـه

البيـت محـار والمحـار بـه داآآنـه

كـل الطبايـع عسـل بالديـن مهديّـه

اخلاق واذواق وحسن الشكل روياآآنـه

بنـت الحضـر يارفيقـي أو قبيلـيّـه

احرص على طيب ابوها وطيب سيساآآنه

ان كـان قلبـك هـواوي خـذ شماليـه

تنعش هوى القلب وبالمنطوق بطراآآنـه

كانك تبـي لـون يذبـح خـذ جنوبيـه

تقـول لبيـه لامـن قلـت يافـلاآآنـه

ان كـان تبغـى ثقافـه خـذ حجازيـه

مثل الذهـب نشتريـه بغالـي اثماآآنـه

ان كان تبغى الدلع فـي بنـت شرقيـه

حلوه ومـع نغمـة اليامـال طرباآآنـه

كــل المـزايـا تلاقيـهـا بنجـديـه

فخمـه وفيهـا مزايـا حيـل فتاآآنـه

طـب وتخيـر اذا تبـغـى قصيمـيّـه

حلـوة معاشـر وبالتدلـيـل فنـاآآنـه

لا تتبـع اهـل السوالـف والهـواويّـه

ولا يغـرك مديـح فــلان لفـلاآآنـه

شغلات تلمـع علـى شاشـه فضائيّـه

القِشـر يلمـع ولـب القِشـر تعباآآنـه

بنت البلـد يارفيقـي مـا يجـي زيّـه

بس انت دوّر وتلقـى الـدار ملياآآنـه

للشاعر عبدالله غربي العنزي

[عبير الشرقية]

الله الله يا عسافة

صح لسان شاعرها ونا قلها

اختي الكريمة عسافه احسنتي الإختيار بارك الله فيكِ

[نووود]

عسافة
قصيدة رائعة
اتت ردعلى الحملات اللي اطلقها بعض
الشباب اللة يهديهم ها الايام
و اللي تحاول تقنع بعض الشباب بالزواج من برا
صح لسان الشاعر العنزي
وتسلمي يا غالية ع النقل

[سحابة عطر]

يازينها من قصيده
تسلم يدك كاتبها
ويعطيك العافيه عسافه ع نقلها
دمتي بحفظ الرحمن

[أوراق ورديه]

عسافه جيتي ع الجرح
والله مافيه زي بنت البلد
لا لبنانيه ولاامركيه
يسلمووووو يالغلا

[عسافه]

عبير الشرقية


صح بدانك غاليتي


اطلاله رائعه اسعدتني الف شكر على روعة التواجد


تقديري ووردي

[عسافه]

اللهم آمين

نووود

صح بدانك ياغاليه والله يسلمك


والف شكر على المرور والتعليق القيم

تقديري لك

[عسافه]

سحابة عطر


الله يسلمك كلك ياغاليه ويعافيك اشكرك على روعة التواجد

تقديري ووردي

[عسافه]

أوراق ورديه


الله يسلمك يالغلا والف شكر على المرور الرائع

تقديري

[صالح البحيح]

ان كـان قلبـك هـواوي خـذ شماليـه

تنعش هوى القلب وبالمنطوق بطراآآنـه

والله من يوم قريت البيت هذا وانا دراي انه شمالي ههههههههههههههه





جميله ذائقتك استاذتي الفاضله

يعطيك العافيه ولاهنتي