الرجال - رد على ابيات كتبت في الرجال

[خالد سلمان]

الرجال يا أبيّة دوم يوفون العهود = اختلف معْ كل كلمة تكتبيها يا العنود
الرجال أفعال مهما صار في هذا الزمان = كلمة الرجّال رمحٍ لا يلين ولا يعود
ثابتة في كل حزة حتى في أصعب ظروف = نهجها صدق النوايا واختصارات الحروف
إن بغيتيها حكاية داوت أحزان اليتيم = وإن بغيتيها رواية هز معناها الألوف
والفئات اللي ذكرتي برا قاموس الرجال = نادرة بين الخلايق هرجها مثل الخيال
اللي يلعب بالمشاعر هقوته دايم يصيب = واللي ما يعرف يفرق ذا حرام وذا حلال
حنا نسقي كل وردة دايم بحب ووئام = والسموم إن فكرت تأذيها تعلن الإنهزام
وإن تمنيتي الإبادة كيف بتعيش الورود = كيف تخضر الأراضي كيف ننعم بالسلام

[عسافه]

خالد سلمان


صح لسانك وفكرك كلمات درر لاهنت


تقبل مروري المتواضع


وتقديري وإحترامي لك

[صالح البحيح]

اخوي خالد

بيض الله وجهك

قصيده جميل ورائعه

صح السانك

ولاهنت

[خالد سلمان]

عسافة
صالح البحيح

هلا بكم واشكركم على المرور العاطر ،،

[عروس الأشعار]

الشِعَرْ / خَآلِد سَلمَآنْ ..
صَح آلسَآنِكْ وآعتَلىَـآ شَآنِكْ .. نًصْ شَآمِخْ بِـ شمُوُخْ كَآتِبُهْ ..
تَقدِيريْ لكْ ..!!

[قديم الشوق]

خالد سلمان

أهلا ً بك معنا مرة أخرى بعد غياب

وصح لسانك على هذه القصيدة الأكثر من رائعة

فقد أتمنى إعادة النظر في الشطر الأول من البيت الأول (الرجال يا أبيّة)

فهو يحتاج إعادة نظر في الوزن

شكرا ً لك من الأعماق

وتقبل فاائق تقديري واحترامي

[خالد سلمان]

عروس الاشعار

هلا بك وشكرآآآ لك على المرور

قديم الشوق

فعلآ هناك خلل بهذا الشطر .. قمت بتعديله

الرجال أصل الوفى ما يوم خانو بالعهود ..

شكرآآآآآآ لك يا غالي .،