شيلة اي والله اهوجس+كتابيه بصوت بحر لكرم كلمات بن فطيس

طلال المري · 11-05-2010, 08:11 PM

بسم الله الرحمن الرحيم
مسيكم بالخير جميع
قصيدة محمد بن فطيس المري - ((اي والله اهوجس )) بصوت
المنشد
_-_ بحر الكرم _-_
جديييده 2010
رابط الشيله:

كلمات القصيده:
اي والله أهوجـس ولانـى بمرتـاح
والحزن فى حوش الحنايـا بفـاروع
أمسيت من وصل المواليـف مـزاح
وأصبحت من فرقى المواليف مفجوع
البارحه فى غبـة الوصـل سبـاح
واليوم من عرش المواصيل مخلـوع
ياصاحبى صرح الهوى والوفى طاح
والقلب كنه مـن عراويـه مقشـوع
كان أحسب إن لحبنا عشـرة أرواح
إلين شفت الحبـل بيديـه مقطـوع
يوم العهد به حده إسبـوع لـى راح
إسبوع ويعوّد علي شـوق ودمـوع
واليوم خمس سنين والهـم مـازاح
هم الفراق اللى بلا عـذر مشـروع
أستغفرالله تسعـة شهـور ياصـاح
فى غيبته قمت احسب اليوم بإسبوع!
العام خلي يسمـع القلـب لا صـاح
واليوم مهما صاح ماهـو بمسمـوع
ضاع الحساب وشفت برق الجفا لاح
وأيست لولا إن الرجا فـي مـزروع
وحالي نحل والحال مهوب منسـاح
من كثر ماأظمأ للمواصيـل وأجـوع
بليت في من دونه سيـوف ورمـاح
وغدا علي وصله مثل حبـة الكـوع
له مني إن سره على الناس مابـاح
ولي منه إن الصد غصبٍ بلا طـوع

سحابة عطر · 12-05-2010, 12:51 AM

قصيده تحمل كلمات جميله
وهالجمال ماهو جديد ع شاعرنا ابن فطيس
ويعطي العافيه من القاها
وتسلم يد ناقلها

طلال المري · 12-05-2010, 07:27 PM

مو ناقلها من تصميمي :)

والف شكر اختي على مرورش

أوراق ورديه · 12-05-2010, 07:45 PM

ماشاء الله قصيده رائعه وتصميم ولا أروع
يعطيك العافيه

سحابة عطر · 12-05-2010, 08:08 PM

اسفه اخوي المري
تسلم يد مصممها
تصميم رائع بصراااحه
يعطيك العافيه

طلال المري · 13-05-2010, 02:28 PM

اقتباس:

المشاركة الأصلية كتبت بواسطة أوراق ورديه

ماشاء الله قصيده رائعه وتصميم ولا أروع
يعطيك العافيه

الاروع مرورش اختي : ((اوراق ورديه))

والف شكر على المرور

طلال المري · 13-05-2010, 02:29 PM

اقتباس:

المشاركة الأصلية كتبت بواسطة سحابة عطر

اسفه اخوي المري
تسلم يد مصممها
تصميم رائع بصراااحه
يعطيك العافيه

مسمووح اختي ما صار الا الخير :)

ولاهنتي مره ثانيه على مرورش

عسافه · 13-05-2010, 02:57 PM

طلال المري

صح احساسك قصيده عذبه وصح لسان شاعرها

تصميمي رائع واختيار واداء مميز يعطيكم العافيه

في انتظار جديدك

قديم الشوق · 14-05-2010, 04:16 AM

رااااااااااااااائعة بحق

وكلمة رائعة لا تفيها حقها

طلال المري

ألف شكر على جمال مانثرته هنا

والله يعطيك الف عافية

وتقبل فاائق تقديري واحترامي

طلال المري · 14-05-2010, 11:05 AM

اقتباس:

المشاركة الأصلية كتبت بواسطة عسافه

طلال المري

صح احساسك قصيده عذبه وصح لسان شاعرها

تصميمي رائع واختيار واداء مميز يعطيكم العافيه

في انتظار جديدك

صح بدنش

والله يعطيش العافيه على الرد الواافي وعلى المرور

لوحة التميّز الشهري (قريباً)

قريبا	قريبا	قريبا	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)